Josua 12 - Ai Vola Tabu (Vakadewa Makawa Vakavoutaki 2021)（FRV21）

Ko Ira na Tui era Vakadrukai mai vei Mosese

1 Tiko 21.21-35; Vrua 2.26—3.11 Ia ko ira oqo na tui ni vanua, sa ra mokuta na Isireli, ka ra qai taukena na nodra vanua e na tai kadua ni Joritani vaka ki nai cadracadra ni mata-ni-siga, mai na uciwai ko Arinoni ki na Ulunivanua ko Erimoni, kei na vanua veibuca kece mai na vanua mai na tokalau:

2o Sioni na nodra tui na Amoraiti, ko koya ka tiko mai Esiponi, ka lewa mai Aroeri, ko ya sa tu mai na bati ni uciwai ko Arinoni, kei na loma ni uciwai, kei na dua na kena wase ni Kiliati, ka yacova na uciwai ko Japoki, nai yalayala ni nodra vanua na luve i Amoni;

3kei na vanua veibuca talega ka yaco ki na wasawasa ko Kineroci mai na tokalau, ka yaco ki na wasawasa mai na vanua veibuca, na Wasa Tuituina mai na tokalau, e na sala ki Peci-jisimoci; mai na ceva talega e ruku i Asitoci-pisika;

4kei na yasana nei Oki na tui Pasani, o koya ka vo vei ira na tamata yagolevu, ka tiko mai Aseteroci kei Etirei,

5a sa lewa mai na Ulunivanua ko Erimoni, kei Salika, kei Pasani taucoko, ka yacova na nodra i yalayala na kai Kisuri, kei na luve i Meeka, kei na dua na kena wase i Kiliati, na yasana nei Sioni na tui Esiponi.

6Tiko 32.33; Vrua 3.12Sa mokuti ira oqo ko Mosese na tamata ni Kalou ko Jiova, kei ira na Isireli; a sa solia ko Mosese na tamata ni Kalou ko Jiova vei ira na Rupeni, kei ira na Kata, kei na yavusa-veimama i Manasa, me ra taukena.

Ko Ira na Tui era Vakadrukai mai vei Josua

7Ia ko ira oqo na tui ni vanua ka mokuta ko Josua, kei ira na Isireli, e na tai oqo ni Joritani vaka ki na ra, sa vakatekivu mai Peali-kata e na buca kei Lepanoni ka yacova na Ulunivanua ko Alaki, sa lako cake ki Sia; ia sa solia ko Josua ki na veimataqali ni Isireli me ra taukena, me vaka na kedrai wasewase,

8e na vanua veiulunivanua, kei na veibuca, kei na vanua veibuca, kei na veimataniwai, e na vanua lala talega, kei na vanua sa no e na mata ni ceva; o ira na Itaiti, o ira na Amoraiti, kei ira na kai Kenani, o ira na Perisaiti, o ira na Aivaiti, kei na Jepusaiti:

9na tui Jeriko

e dua

na tui Ai, sa voleka ki Peceli

e dua

10na tui Jerusalemi

e dua

na tui Epironi

e dua

11na tui Jarimoce

e dua

na tui Lakisi

e dua

12na tui Ekiloni

e dua

na tui Keseri

e dua

13na tui Tipiri

e dua

na tui Keteri

e dua

14na tui Orima

e dua

na tui Arati

e dua

15na tui Lipina

e dua

na tui Atulama

e dua

16na tui Maketa

e dua

na tui Peceli

e dua

17na tui Tapu

e dua

na tui Eferi

e dua

18na tui Efeki

e dua

na tui Leseroni

e dua

19na tui Matoni

e dua

na tui Asori

e dua

20na tui Simironi-mironi

e dua

na tui Ekisafi

e dua

21na tui Tenaki

e dua

na tui Mikito

e dua

22na tui Ketesi

e dua

na tui Jokiniami mai Kameli

e dua

23na tui Doa mai Nafaci-toa

e dua

na tui ni veivanua mai Kilikali

e dua

24na tui Tirisa

e dua

na tui kecega, era le tolusagavulu-ka-dua.