1 Jeme 4.13-16 Mo kakua ni boletaki iko e na vuku ni ka mo cakava e na mataka,
ni ko sa sega ni kila se cava ena yaco e na dua na siga.
2Me dokai iko na tani, ka me kakua ga na gusumu—
na kai tani ga, ka me kakua ga ni tebenisugumu.
3Sa ka bibi na vatu, sa ka bibi talega na nuku,
ia sa uasivi cake na kena bibi na nona cudru na tamata lialia.
4Sa lecava na loloma na daucudru, ka sa vaka na waluvu na cudru waqawaqa,
ia ko cei me tiko rawa e na mata i koya na dauvuvu?
5Sa vinaka na veivunauci votu
ka ca na loloma vuni.
6Sa cakava na ka dina na weka ni tamata ni sa ia na veivuetaki,
ia sa nona veivakaisini ga na meca ni sa ia na veireguci.
7A tamata sa mamau sa cata na qa-ni-oni,
ia sa kamikamica na ka gaga kecega vua sa via kana.
8Me vaka na manumanu vuka sa lako sese tani mai na nona sova,
sa vakakina na tamata sa lako sese tani mai na nona yasana.
9Ai lumu kei nai saluaki sa vakamarautaka na loma ni tamata,
sa vakakina na kena kamikamica na wekana ni sa bose vata kaya mai na vu ni yalona.
10A wekamu, kei na weka ni tamamu, mo kakua ni biuta;
ia mo kakua ni lakova na vale nei tacimu e na siga ko rarawa kina.
Ni sa vinaka na kai nomu sa tiko voleka
ka ca na tacimu sa tiko vakayawa.
11Mo vuku, na luvequ, ka vakamarautaka na lomaqu,
me dua na vosa me'u tauca vua sa beitaki au.
12O koya sa yalomatua sa kunea na ca ka sa vunitaki koya;
ia ko ira sa sega ni vuku era sa lako tu yani, ka ra sa kana rarawa.
13Kauta na nona i sulu sa ia na veiyalayalati e na vuku ni kai tani;
ka kauta na nona i vakadinadina e na vukuna na yalewa tani.
14O koya sa vosavakalougatataka vakadomoilevu na kai nona,
ka souta sara e na mataka caca,
ena wiliki vua me nona ruru.
15A tuturu sa sega ni mudu e na siga ni uca levu
kei na yalewa dauveileti sa rau tautauvata;
16ko koya sa via tarovi koya sa tarova na cagi,
ia na ligana i matau sa tara nai lumu.
17Sa vagatai na kaukamea e na kaukamea,
ia na tamata, sa vagata vakakina na mata ni wekana.
18O koya sa vakatawa na vuni lolo ena kania na vuana,
sa vakakina ko koya sa dauqarava na nona turaga, ena dokai.
19Me vaka sa ilovi e na wai na mata ni tamata,
sa ilovi vakakina na yalo ni tamata ki na tamata.
20Ai bulubulu kei na rusa sa sega ni mamau rawa,
sa vakakina na mata ni tamata, sa sega ni mamau rawa.
21Sa vakatovolei na siliva e na kuro, kei na koula e na lovo,
sa vakakina na tamata e na gusu i koya sa dokai koya.
22Kevaka sa lauvutu e na sedre kei nai vutu e dua na tamata lialia kei na sila,
ena dredre ni takali vua na nona lialia.
23Mo kila deivaka se vakaevei na nomu qele ni sipi,
ka raica vakavinaka na nomu qele ni bulumakau;
24ni sa sega ni tawa mudu nai yau,
ia nai sala vakaturaga ena yaco tiko li ki nai tabatamata kecega?
25Sa tubu mai na co, a sa rairai mai na buroro,
a sa covi na veico mai na veiulunivanua,
26na luve ni sipi sa rawa kina na nomu i sulu,
kei na me sai voli ni nomu were,
27kei na wai-ni-sucu mei coi ni kemu madrai,
kei na kedra na nomu lewe ni vuvale
kei na ka me ra bula kina na nomu goneyalewa.
Who We AreWhat We EelieveWhat We Do
2025 by iamachristian.org,Inc All rights reserved.
