Vunau ni Soro 23 - Ai Vola Tabu (Vakadewa Makawa Vakavoutaki 2021)（FRV21）

Na Solevu Vakalotu

1A sa vosa vei Mosese ko Jiova, ka kaya,

2“Mo vosa vei ira na Isireli, ka kaya vei ira: Na solevu i Jiova, dou na kacivaka me soqoni tabu, ia oqo na noqu solevu.

Na Siga ni Vakacecegu

3 ka vakacabora e dua nai soro e na bukawaqa vei Jiova.

28Ia dou kakua ni kitaka e dua na cakacaka e na siga ko ya; ni sa siga ni veibuluti, mo dou sorovaki kina e na mata i Jiova na nomudou Kalou.

29Ia na tamata kecega sa na sega ni vakamalumalumutaki e na siga ko ya, ena muduki tani ko koya vei ira na kai nona.

30Kei na tamata kecega sa kitaka e dua na cakacaka e na siga ko ya, au na vakarusa tani na tamata ko ya mai vei ira na kai nona.

31Dou kakua ni kitaka e dua na cakacaka. Sai lesilesi ka tawa mudu e na nomudou i tikotiko kecega, e na nomudou veitabatamata.

32Ena Siga ni Vakacecegu mo dou vakacegu kina, ia dou vakamalumalumutaki kemudou. E na kenai kaciwa ni siga ni vula, e na yakavi, mai na yakavi e dua ka yacova na yakavi e dua, mo dou ia kina na nomudou vakacegu.”

Na Solevu ni Vale Tabanikau(Tiko mai na Lekutu 29.12-40)

33 Vrua 16.13-15 Sa vosa talega vei Mosese ko Jiova, ka kaya,

34“Mo vosa vei ira na Isireli, ka kaya: A kenai katinikalima ni siga e na kenai kavitu ni vula oqo, me ia kina na solevu ni vale tabanikau vei Jiova ka bogi vitu.

35E na kenai matai ni siga, me dua na soqoni tabu; mo dou kakua ni kitaka kina na nomudou cakacaka ni veisiga.

36E vitu na siga dou vakacabora kina nai soro e na bukawaqa vei Jiova. E na kenai kawalu ni siga, me dua na nomudou soqoni tabu, ka dou na cabora e dua nai soro e na bukawaqa vei Jiova. Sa soqoni tabu, ka dou kakua ni cakava kina na nomudou cakacaka ni veisiga.

37“Oqo sa kena solevu vei Jiova, ka dou na kacivaka me soqoni tabu, me vakacabori nai soro vei Jiova e na bukawaqa—nai soro kama kei nai madrali laukana, na ka sa vakacabori kei nai madrali liviraki, ka sa dui caka e na kena siga—

38ka qaravi vakatikitiki oqo mai na Siga ni Vakacecegu i Jiova, ka qaravi tani mai na nomudou i solisoli, kei nai madrali kecega dou sa bubului kina, kei na nomudou i soro kecega sa lomamudou mo dou cabora, o koya dou na solia vei Jiova.

39“E na kenai katinikalima talega ni siga e na kenai kavitu ni vula, ni dou sa kumuna vata na vuata ni vanua, dou na ia kina na solevu vei Jiova ka bogi vitu; nai matai ni siga ena Siga ni Vakacecegu, ia nai kawalu ni siga ena Siga ni Vakacecegu talega.

40Ia e nai matai ni siga dou taura na vuanikau vinaka, kei na taba ni niusawa kei na tabanikau sa sobi na drauna, kei na wilou mai na uciwai; ia dou na reki e na mata i Jiova na nomudou Kalou ka bogi vitu.

41Ia dou na ia na solevu oqo, na solevu vei Jiova, me bogi vitu e na veiyabaki. Oqo sa kenai lesilesi tawa mudu e na nomudou veitabatamata; dou daukitaka e na kenai kavitu ni vula.

42Mo dou tiko bogi vitu e na veivale tabanikau. O ira kecega sai taukei vei ira na Isireli era na tiko e na veivale tabanikau,

43me ra kila kina na nomudou veitabatamata ni sai au era dautiko kina ko ira na Isireli e na veivale tabanikau, ni'u a kauti ira mai na vanua ko Ijipita: Koi au ko Jiova na nomudou Kalou.”

44A sa tukuna vei ira na Isireli na veisolevu digitaki oqo i Jiova ko Mosese.