Maciu 20 - Ai Vola Tabu (Vakadewa Makawa Vakavoutaki 2021)（FRV21）

Ko Ira na Cakacaka ena Loganivaini

1 “Ni sa tautauvata na matanitu vakalomalagi kei na tamata sa taukena e dua na vale, a sa lako ko koya e na mataka caca me voli ira eso na tamata me mai cakacaka e nona loga-ni-vaini.

2Ia ni sa veivosaki kei ira na tamata cakacaka me ra tauyadua na pene e na dua na siga me kedrai sau, sa qai talai ira ki na nona loga-ni-vaini.

3A sa lako ko koya e nai katolu ni aua, a sa raici ira eso tale era sa tu walega e na rara ni veivoli,

4a sa kaya vei ira, ‘Dou lako talega ki na loga-ni-vaini, ia na ka e dodonu, ka'u na solia vei kemudou.’ A ra sa lako.

5Sa lako tale ko koya e nai kaono kei nai kaciwa ni aua, a sa kitaka vakakina.

6Sa qai lako ko koya e nai katinikadua ni aua, a sa raici ira eso tale era sa tu walega, a sa kaya vei ira, ‘Dou sa tu walega vakacava eke e na siga ka bogicaka?’

7Era sa kaya vua, ‘Ni sa sega e dua sa lavaka vei keitou.’ Sa kaya vei ira ko koya, ‘Dou lako talega ki na loga-ni-vaini.’

8Sa Vakatakila ko Jisu na Nona Mate(Marika 10.32-34; Luke 18.31-34)

17A sa lako cake ki Jerusalemi ko Jisu, ka sa kauti ira vakatikitiki tani na tisaipeli e le tinikarua mai na salatu, ka kaya vei ira,

18“Raica, eda sa lako cake ki Jerusalemi, ka na soli yani na Luve ni Tamata vei ira na bete levu, kei ira na vunivola, ia era na lewai koya me mate.

19Era na qai solia vei ira na matanitu tani me ra vakalialia, ka vakanakuitataka, ka vakota ki na kauveilata, ena qai tucake tale mai ko koya e nai katolu ni siga.”

Na Nona Kerekere e Dua na Tina(Marika 10.35-45)

20Sa qai lako mai vua na tinadrau na luve i Sepete, kei rau na luvena-tagane, ka cuva, ka kerea vua e dua na ka.

21A sa kaya vua ko koya, “A cava ko sa vinakata?” Sa kaya vua ko koya, “Mo ni lewa me rau tiko na luvequ oqo, e dua e na ligamu i matau, ka dua e na ligamu i mawi, e na nomuni matanitu.”

22A sa vosa ko Jisu, ka kaya, “Dou sa sega ni kila na ka dou kerea. Drau sa rawata beka mo drau gunuva na bilo ka'u na gunuva?” Erau sa kaya vua, “Keirau sa rawata.”

23A sa kaya ko koya vei rau, “Drau na gunuva dina na mequ bilo, ia me tiko e na ligaqu i matau, kei na ligaqu i mawi, sa sega ni noqu me'u solia vakailoa, vei ira ga sa vakarautaka ko Tamaqu me nodra.”

24Ia ni ra sa rogoca ko ira na lewe tini, era sa cudru sara vei rau na veitacini.

25Sa Vakabula e Lewe Rua na Mataboko(Marika 10.46-52; Luke 18.35-43)

29A ra sa lako tani mai Jeriko, a sa lewe vuqa sara sa muri koya.

30Ka raica, e lewe rua na tamata mataboko sa tiko e na bati ni sala, ia ni rau sa rogoca sa lako voli yani ko Jisu, erau sa kacikaci, ka kaya, “Mo ni lomani keirau mai, na Turaga, na Luve i Tevita.”

31A sa vunauci rau ko ira na lewe vuqa me rau tiko lo, a rau sa qai kaci vakalevu kina, ka kaya, “Mo ni yalololoma vei keirau, na Turaga, na Luve i Tevita!”

32Sa qai tu vakadua ko Jisu, ka kacivi rau, ka kaya, “A cava drau sa vinakata me'u cakava vei kemudrau?”

33Erau sa kaya vua, “Na Turaga, me rai rawa na mata i keirau.”

34Sa qai yalololoma ko Jisu, ka sa tara na matadrau. A sa rai vinaka vakasauri na matadrau, ka rau sa muri koya.