1“Ia ni dou sa vota na vanua me vakaitaukeitaki, dou na vakatabuya e dua na tikina mei sevu vei Jiova, mei votavota tabu ni vanua. Na kena balavu me rua na oba ka lima na udolu (25,000) na kiupiti, kei na kena raraba me rua na oba (20,000) na kiupiti. Ena tabu na tikina oqo e na kenai yalayala kecega e na veiyasana.
2E na tikina oqo me dua na yasana tabu e lima na drau na kiupiti na kena balavu, ka lima na drau na kiupiti na kena raraba, ka takiveilevu na veiyasana; ka me limasagavulu na kiupiti na kenai bili e na veiyasana.
3Ia mai na tikina oqo mo vakarautaka e rua na oba ka lima na udolu (25,000) na kiupiti na kena balavu, ka dua na oba (10,000) na kena raraba, ka me tu ki loma na vale tabu io, na yasana tabu sara.
4Ai votavota tabu ni vanua me sa nodra na bete era vakaitavi e na vale tabu, era toro mai me ra qaravi Jiova; ia mei tikotiko ni nodra veivale ko ya, ka dua na tikina tabu me tikina tabu sara.
5Ia sa rua na oba ka lima na udolu (25,000) na kiupiti na kena balavu, ka dua na oba (10,000) na kena raraba, me nodra talega na Livai, era vakaitavi e na vale, me ra taukena vakataki ira mei tutu ni veivalevale e ruasagavulu.
6“Ia nai votavota ni koro mo dou solia, me lima na udolu na kiupiti na kena raraba, ka rua na oba ka lima na udolu (25,000) na kiupiti na kena balavu, me donuya nai sevu tabu; ena nodra kecega na vale i Isireli.
A Nona i Votavota na Turaga7“Me nona talega na turaga e dua nai votavota ki na yasana vaka ka vaka ni sevu tabu, kei nai votavota ni koro, me donuya nai sevu tabu, me donuya talega nai votavota ni koro, me tekivu mai na yasana e na ra ka yala sara ki na ra, me tekivu talega mai na yasana e cake ka yala sara ki na tokalau, ia na kena balavu me donuya e dua nai votavota, ka tekivu mai na kenai yalayala mai na ra ka yala ki na kenai yalayala mai na tokalau.
8Sa na tu ga e na vanua, na nona i votavota e Isireli ia ko ira na noqu tamata turaga me ra kakua ni vakararawataki ira tale na noqu tamata; ia me ra solia na vanua ki na vale i Isireli me vaka na nodra dui veiyavusa.
9“Sa kaya vakaoqo na Turaga ko Jiova: Me rauti kemudou mada, oi kemudou na turaga ni Isireli! Dou biuta tani nai valavala kaukauwa kei na veivakacacani, ia mo dou cakava na ka vinaka ka dodonu ga. Me mudu sara na nomudou vakasaurarataki ira na noqu tamata, sa kaya na Turaga ko Jiova.
Nai Vakarau ni Bibi Dodonu10 ga sa na kenai vakarau vei kemudou.
12Ia na sikeli sa vakarautaki me ruasagavulu na kera. Na sikeli e ruasagavulu, kei na sikeli e ruasagavulu ka lima, kei na sikeli e tinikalima, me na rawa kina e dua na maina (60 na sikeli) vei kemudou.
Nai Madrali me Vakacabori13“Nai madrali dou na vakacabora me vaka tu oqo: e dua nai kaono ni dua na efa mai na omeri witi yadua, ka dua nai kaono talega ni dua na efa mo dou solia mai na omeri barile yadua,
14kei na ka sa lesi e na vuku ni waiwai, ka sa vakarautaki e na paca, na kenai katini ni dua na paca mai na dua na omeri (e tini na paca sa dua na omeri).
15Me dua talega na lami mai na qele ni sipi e rua na drau, mai na nodra vanua veico vinaka na Isireli, mei madrali laukana, kai soro kama, kai soro ni veivinakati, me sorovaki ira, sa kaya na Turaga ko Jiova.
16O ira kece na lewe-ni-vanua me ra vakaitavi vata e nai madrali oqo kei koya na turaga mai Isireli.
17Ia sa na nona i tavi na tui nai soro kama, kei nai madrali laukana, kei nai madrali gunuvi, e na solevu, kei na vula vou, kei na Siga ni Vakacecegu, e na nodra gauna tabu kecega na vale i Isireli; ena vakarautaka ko koya nai soro ni valavala ca, kei nai madrali laukana, kei nai soro kama, kei nai soro ni veivinakati, me sorovaki ira kina na vale i Isireli.
Na Solevu Vakalotu18“Sa kaya vakaoqo na Turaga ko Jiova: E nai matai ni vula, e nai matai ni siga ni vula, mo qai kauta e dua na luve ni bulumakau sa sega na kena ca, ka vakasavasavataka na tikina tabu.
19Ia me kauta ko koya na bete eso na dra ni soro ni valavala ca, me kureitaka ki na duru ni sogo ni vale, kei na tutuna va-va ni rara ni cabocabo-ni-soro, kei na duru ni matamata-ni-koro ni lomanibai e loma.
20Ia mo kitaka vaka talega kina e nai kavitu ni siga ni vula e na vukudra yadua sa caka cala, ka vakacalaka; dou na sorovaka vakaoqo na vale.
21 Lako 12.1-20; Tiko 28.16-25 “E nai matai ni vula e nai katinikava ni siga ni vula, mo dou qai ia na Solevu ni Lako-sivia, na solevu bogi vitu; me sa laukana kina na madrai sa sega ni vakaleveni.
22Ia na turaga me qai vakarautaka e na siga ko ya e na vukuna e na vukudra kece talega na lewe-ni-vanua e dua na bulumakau mei soro ni valavala ca.
23Ia me vakarautaka ko koya e na veibogi vituvitu ni solevu mei soro kama vei Jiova, e vitu na bulumakau ka vitu na sipi tagane e sega na kena ca, e na veisiga yadua ka me bogi vitu; ka dua talega na luve ni me e na kena veisiga mei soro ni valavala ca.
24Kei nai madrali laukana, e dua na efa me ia vata kei na dua na bulumakau, ka dua na efa me ia vata kei na dua na sipi tagane, ka tini na paidi waiwai me ia vata kei na dua na efa, me na vakarautaka ko koya.
25Vsoro 23.33-36; Tiko 29.12-38E nai kavitu ni vula, e nai katinikalima ni siga ni vula, e na kena solevu bogi vitu, me kitaka vaka talega kina ko koya, me vaka nai soro ni valavala ca, ka vaka nai soro kama, ka vaka nai madrali laukana, ka vaka na waiwai.
Who We AreWhat We EelieveWhat We Do
2025 by iamachristian.org,Inc All rights reserved.
