Lako Yani Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaNa Lako Yani e volai kina na ka bibi duadua ka yaco ena nodra i volatukutuku na Isireli, oqori na nodra lako yani mai Ijipita na vanua era a tiko vakabobula kina. Nai vola oqo e rawa ni wasei vakava: (1) Na nodra sereki na Isireli mai na veivakabobulataki; (2) Na nodra i lakolako ki na Ulunivanua ko Saineai; (3) Na nona veiyalayalati na Kalou kei ira na tamata mai Saineai ka soli kina nai Vunau e Tini kei na so tale nai vakaro ni bula e veisiga; (4) Na kena tara kei na ukutaki ni vanua ni nodra sokalou na Isireli, vata kei nai vakaro me baleti ira na bete kei nai vakarau ni sokalou.Na usutu levu ni vola oqo me dusia na veika sa vakayacora na Kalou. Oqori na nona sereki ira na nona tamata ko Jiova mai nai vesu ni veivakalolomataki ka qai buli ira vou me dua na matanitu sa tiko na nona i nuinui ena veisiga ni mataka.Na tamata ka volai vakalevu na yacana e nai vola oqo ko Mosese, o koya ka digitaka na Kalou me liutaki ira na nona tamata mai Ijipita. Na tiki ni vola e kilai vakalevu kina sai koya na Vunau e Tini ena Wase 20.Na Lewe ni VolaSereki mai Ijipita ko ira na Isireli 1.1—15.21

a. Na tiko vakabobula mai Ijipita 1.1-22

b. Sucu kei na susugi nei Mosese 2.1—4.31

c. Rau vosa vei tui Ijipita ko Mosese kei Eroni 5.1—11.10

d. Na Lako-sivia kei na biubiu mai Ijipita 12.1—15.21

Mai na Wasa Damudamu ki Saineai 15.22—18.27

Na Vunau kei na Veiyalayalati 19.1—24.18

Na Vale Tabu kei nai Vakaro ni sokalou 25.1—40.38