1Au sa vakarota vei ira nai talatala qase era tiko vei kemudou, ni'u sa qase talega koi au, ka sa dautukutuku e na ka ka vosota na Karisito, ka sai taukei talega ni ukuuku ena vakaraitaki mai e na gauna mai muri:
2Joni 21.15-17dou vakania na qele-ni-sipi ni Kalou era sa tiko vei kemudou, ka dou vakatawana, kakua ga e na loma e vosota, e na loma ga e vinakata—kakua ga e na vuku ni yau vakasisila, ia e na loma ga e rekitaka.
3Dou kakua ni valavala vakaboso vei ira sa tiko e rukumu, ia mo dou vakaraitaki vinaka ga vei ira na qele ni sipi.
4Ia ni na rairai mai nai Vakatawa liu, dou na rawata kina nai sala vakaiukuuku ena sega ni malai rawa.
5 Vbale 3.34 Oi kemudou talega na cauravou, dou vakayalomalumalumutaki kemudou vei ira na qase. Io, dou dui vakayalomalumalumutaki kemudou vakai kemudou, ka dou vakaisulu e na yalomalumalumu, ni
“Sa vorati ira na viavialevu na Kalou,
ia sa solia nai solisoli loloma vei ira sa yalomalumalumu.”
6 Maciu 23.12; Luke 14.11; 18.14 O koya oqo mo dou qai vakayalomalumalumutaki kemudou e ruku ni liga kaukauwa ni Kalou, me vakalevulevui kemudou cake ko koya e na gauna sa lokuci.
7Ka dou biuta vei koya na nomudou lomaocaoca kecega, ni sa daunanumi kemudou ko koya.
8Dou yalomatua, dou vakatawa. Sa veilakoyaki voli na nomudou meca na tevoro, me vaka na laione sa tagi, ka sa vakasaqara eso me tiloma.
9Dou vorati koya ni dou sa tudei e na vakabauta, ni dou sa kila sa vakayacori na ka rarawa vakakina vei ira na wekamudou era sa tiko voli e vuravura oqo.
10Ia na Kalou sa dauia na loloma kecega, o koya sa kacivi kemudou ki na nona i ukuuku tawa mudu e na vuku i Karisito Jisu, ni dou sa vakararawataki mada e na gauna eso, ena qai vakavinakataki kemudou sara, mo dou vakataudeitaki, mo dou vakaukauwataki.
11Me nona na lewa e na gauna kece ka sega ni mudu. Emeni.
A Kena i Tinitini kei na Loloma12 Caka 15.22,40 Au sa vola vakalailai ka ia nai vakaro, a sa kauta vei kemudou ko Silivenusi, o koya ka'u sa nanuma sa wekada dina, ia ka'u sa vakadinadina ni sa loloma dina ni Kalou dou sa tudei kina.
13Caka 12.12,25; 13.13; 15.37-39; Kolo 4.10; Fmoni 24Sa loloma yani vei kemudou nai soqosoqo lotu, mai Papiloni, era sa digitaki vata kei kemudou; sa vakakina ko Marika na luvequ.
14Dou dui veireguci vakai kemudou e na loloma. Me tu ga na vakacegu vei kemudou kecega sa tu vata kei Karisito Jisu. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
