Same 140 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kerekere e na Gauna ni Veivakacacani Vua nai liuliu ni sere. A Same i Tevita.

1Mo ni vakabulai au, Jiova, mai na tamata ca;

mo ni maroroi au mai na tamata i valavala kaukauwa.

2Era sa nanuma ca tiko e lomadra;

era dausoqoni vata me ia nai valu.

3

4Mo ni maroroi au, i Jiova, mai na liga ni valavala ca;

mo ni vakabulai au mai vua na tamata i tovo kaukauwa;

o koya sa via vukica na noqu i lakolako.

5O ira na viavialevu era sa birika lo na dai me rawai au,

kei na dali era sa tevuka na lawa,

e na bati ni sala era sa birika na dai me rawai au. Sela

6Au a kaya vei Jiova, Oi kemuni na noqu Kalou;

mo ni vakatu daligamuni Jiova, ki na domo ni noqu masu.

7I Jiova, na Turaga, na kaukauwa ka'u sa bula kina,

ko ni a vakaruruga na uluqu e na siga ni valu.

8Kakua ni solia, i Jiova, na ka era gadreva nai valavala ca;

kakua ni vakayacora na nona vere ca; de ra vakalevulevui ira kina. Sela

9Ia ko ira sa liu vei ira era sa vakalati au,

me ubi ira na ca e vosataka na tebenigusudra!

10Me lutuki ira na qilaiso sa waqa tu!

Me ra na biu ki na bukawaqa,

ki nai keli titobu, me ra kakua ni cabe cake tale!

11Me kakua ni tiko dei e vuravura na tamata dauvosalevu;

ka me na vakasavi koya ga na ka ca me mani rusa kina na tamata loma kaukauwa!

12Au sa kila ni na lewa vakadodonu ko Jiova e na vukuna sa vakararawataki,

e na vukuna talega na dravudravua.

13Sa dina era na vakavinavinaka ki na yacamuni ko ira na yalododonu;

ena tiko ga e matamuni ko ira nai valavala dodonu.