1O koya oqo era sa sega kina ni lewai me cudruvi ko ira era sa tu vata kei Karisito Jisu, era sa sega ni muria tiko nai tovo vakayago, era sa muria ga na Yalo Tabu.
2Ni sa sereki au mai na vunau ni valavala ca kei na mate na vunau ni Yalo sa bula vei Karisito Jisu.
3Ni sa cakava na Kalou na ka sa sega ni cakava rawa na vunau, baleta ni sa vakamalumalumutaki na vunau e na vuku ni tovo vakayago. Sa cakava oqo e na nona tala mai na Luvena e nai tovo ni yago sa tu kina na ca ka mei soro ni valavala ca, ka sa vakadruka kina nai valavala ca e na yago,
4ka me vakayacori rawa kina vei keda nai valavala dodonu ni vunau, io vei keda sa sega ni muria tiko nai tovo vakayago ka da sa muria ga na Yalo Tabu.
5Ni ra sa gadreva na veika vakayago ko ira era sai tovo vakayago, ia na veika vakayalo ko ira era sai tovo vakayalo.
6Ni sa vu ni mate na gadreva nai tovo vakayago, ia sa vu ni bula kei na vakacegu na gadreva nai tovo vakayalo.
7Ni sa veimecaki nai tovo vakayago kei na Kalou, ni sa sega ni muria na vunau ni Kalou—sa dredre sara me talairawarawa kina.
8Ko ira era sai tovo vakayago era sa sega ni vakalomavinakataka rawa na Kalou.
9Ia sa sega ni vakayago na nomudou i tovo, sa vakayalo ga, kevaka sa dina ni tiko e na lomamudou na Yalo ni Kalou. Ia kevaka sa dua na tamata sa sega ni tiko e lomana na Yalo i Karisito, sa sega ni nona ko koya oqo.
10Ia kevaka sa tiko e na lomamudou na Karisito, sa dina ga sa mate na yago e na vuku ni valavala ca; ia na yalo sa bula e na vuku ni veivakadonui.
111Kori 3.16Ia kevaka sa tiko vakadua e na lomamudou na Yalo i koya sa vakaturi Jisu cake tale mai na mate, o koya sa vakaturi Karisito tale mai na mate, ena vakabula tale na yagomudou sa mate rawa, e na Yalona sa tiko vakadua e na lomamudou.
12O koya oqo, kemudou na veiwekani, eda sa dinau voli ga, ka segai ki nai tovo vakayago, me da muria nai tovo vakayago—
13ni dou na mate kevaka dou sa muria nai tovo vakayago; ia kevaka sa veivuke kei kemudou na Yalo Tabu mo dou vakamatea nai valavala vakayago, dou na bula kina.
14Ni ko ira ga sa tuberi ira na Yalo ni Kalou era sa luve ni Kalou.
15Kala 4.5-7
Mari 14.36; Kala 4.6Ni dou a sega ni ciqoma na yalo ni bobula mo dou rere kina, ia dou sa ciqoma ga na Yalo sa vakayacori kemudou mo dou luvena sa vakabau, o koya eda sa kaci kina, “Apa! Tamaqu!”16Na Yalo Tabu oqo sa tukuna mai ki na yaloda ni da sa luve ni Kalou,
17ka kevaka eda sa luvena—eda na qai itaukei, eda na taukena na veika ni Kalou, ka da sai taukei vata kei Karisito—ni kevaka eda sa vosota vata kaya na nona rarawa, eda na vakalougatataki vata kaya talega.
Na Lagilagi ena Gauna mai Muri18Ni'u sa vaka sa sega ni yaga me rau vakatauvatani na ka ca sa vosoti e na bula oqo kei na kalougata ena vakarairaitaka vei keda e muri.
19Ni sa gadreva vakalevu ko vuravura ka wawa tikoga me ra vakarairaitaki ko ira na luve ni Kalou.
20Vteki 3.17-19Ni sa vakamalumalumutaki ko vuravura me ca, a sa sega ni vinakata, e na vuku i koya ga sa vakamalumalumutaka, ni sa vakanuinuitaki tiko
21ni na sereki talega ko vuravura mai na kena vakabobulataki ki na rusa, ka me lalaga tu ka vakaiukuukutaki vata kei ira na luve ni Kalou.
22Ni da sa kila, sa vutugu vata na veika buli taucoko ka sa yaluma e na rarawa, ka yacova na siga oqo.
232Kori 5.2-4A sa sega ni veika buli walega, ia koi keda talega, oi keda sa rawata nai sevu ni Yalo Tabu, eda sa vutugu tiko e lomada ni da sa waraka me da luvena sa vakabau, na vakabulai ni yagoda.
24Ni da sa bula e nai nuinui oqo. Ia nai nuinui sa bale ki na ka sa qai raici sa sega ni nuinui dina. Ni sa nuitaka vakacava na tamata na ka sa qai raica?
25Ia kevaka eda sa nuitaka na ka eda sa sega ni raica, eda na waraka tikoga e na vosota.
26Ia na Yalo Tabu talega sa vukea na noda malumalumu; ni da sa sega ni kila na ka e kilikili kei keda me da kerea, ia sa masulaki keda na Yalo Tabu e na vutugu e sega ni cavuti rawa.
27Ia ko koya sa daudikeva na yaloda sa kila na loma ni Yalo Tabu, ni sa masulaki ira na tamata lotu me vaka na loma ni Kalou.
28Ni da sa kila sa veivuke na ka kecega me ra vinaka kina era sa lomana na Kalou, ko ira era sa kacivi me vaka na ka sa nakiti oti.
29Ia ko ira kece sa kilai ira eliu ko koya, sa lesi ira eliu me ra tautauvata kei na Luvena, me ulumatua kina ko koya vei ira na tacina era lewe vuqa.
30Ia ko ira sa lesia eliu ko koya, a sa kacivi ira; kei ira sa kaciva ko koya, a sa vakadonui ira; kei ira sa vakadonuya ko koya, a sa vakaiukuukutaki ira.
Sa Vakaraitaki na Loloma ni Kalou ena Vuku i Karisito Jisu31A cava me da qai kaya e na veika oqo? Kevaka sa totaki keda na Kalou, o cei me noda meca?
32Ena vakaevei ko koya sa sega ni bureitaka na Luvena dina, ia sa soli koya yani me keda i sosomi kecega, ena dredre vakacava vua me solia walega vei keda na ka kecega vata kaya?
33O cei me beitaki ira sa digitaki ira na Kalou? Na Kalou ga sa vakadonuya.
34O cei ena lewa me ra cudruvi? O Karisito Jisu ga sa mate—io, sa bula cake tale—a sa tiko talega e na liga i matau ni Kalou, ka sa masulaki keda.
35O cei me na tawasei keda mai na loloma i Karisito? A ka rarawa li, se na yaluma, se na dauveivakacacani, se na dausiga, se na luvawale, se na dauveivakarerei, se nai seleiwau?
36Same 44.22Me vaka na ka sa volai,
“E na vukumuni keitou sa vakamatei kina e na siga taucoko ka bogi;
keitou sa vakatauvatani kei na sipi ena vakamatei.”
37E segai, e na ka kecega oqo eda sa gumatua sara kina, e na vuku i koya sa lomani keda.
38Ni'u sa kila vakaidina, ni na sega ni rawata na mate, se na bula, se ko ira na agilosi, se ko ira sa liu, se ko ira sa kaukauwa, se na veika sa yaco edaidai, se na veika ena yaco e muri,
39se na ka cecere, se na ka titobu, se dua tale na ka, me tawasei keda mai na loloma ni Kalou sa yaco e na vuku i Karisito Jisu na noda Turaga.
Who We AreWhat We EelieveWhat We Do
2025 by iamachristian.org,Inc All rights reserved.
