1Sa qai vosa ko Vilitati na luve i Sua, ka kaya:
2“Ko na qai tinia ninaica na vosa?
Mo vakasamataka mada, ka keitou na qai vosa.
3A cava keitou sa nanumi kina me manumanu?
A cava keitou sa qeleqelewa kina e matamu?
4Ko iko ka sa dresulaki iko e na nomu cudru—
ena biu laivi beka ko vuravura e na vukumu,
se na kau tani beka na uluvatu mai na kena tikina?
5 Jope 21.17 “Sa dina sara, na nodra cina nai valavala ca ena bokoci,
ka na sega talega ni serau na lidi ni nona bukawaqa.
6Ena butobuto na rarama e na nona vale-laca,
ka na bokoci vata kaya talega na nona cina.
7A nona cavuikalawa kaukauwa e na vakalekalekataki,
ka na vakabalei koya talega na nona lewa.
8Ni sa vauci ki na lawa e na yavana ga vakataki koya,
ka sa lako voli e na dela ni kena i cori.
9Sa rawai koya na tudai e na bukubuku-ni-yavana;
ena gumatua vua ko koya na daubutako.
10Sa vuni e na qele na kena dali,
kei na kena i cori e na sala.
11Ena vakarerei koya na ka rerevaki e na veiyasana,
ka na cicimuria na yavana.
12Ena kania na nona kaukauwa na viakana,
ena volekata sara na sarisarina na rusa.
13Ena kania na eso na tiki ni kulina;
na ulumatua kei Mate ena kania na yavana.
14A ka sa vakararavi kina ena cavuivuvu mai na nona vale-laca,
ka na vakauti koya vua na tui dauveivakarerei.
15Ena tiko ga e na nona vale-laca ka sa sega kina na ka;
sa vakamiraki na sulifure ki na nona i tikotiko.
16Sa malai mai na wakana e rukuna,
ka sa vuca mai na tabana e cake.
17Sa yali na ka e nanumi kina e vuravura,
ka sa sega talega na yacana e na salatu.
18Sa vakasevi ko koya mai na rarama ki na butobuto,
ka sa vakasevi tani e vuravura.
19Sa sega na luvena se nona kawa vei ira na nona tamata,
ka sa sega talega e vo tiko e nona i tikotiko.
20Era sa kurabuitaka na ka sa yaco ko ira mai na ra,
ka sa kani ira na rere ko ira mai na tokalau.
21Sa dina sara ni vaka oqo na nodra i tikotiko na tamata ca,
sa vakaoqo na nona tikina ko koya sa sega ni kila na Kalou.”
Who We AreWhat We EelieveWhat We Do
2025 by iamachristian.org,Inc All rights reserved.
