1“Ia mo ni lomani Jiova na nomuni Kalou, ka vakabauta na ka sa kaya ko koya, kei na ka sa lesia, kei na ka sa lewa, kei na nona i vakaro, e na veisiga kecega.
2Ia mo ni kila edaidai ni'u sa sega ni vosa vei ira na luvemuni era sa sega ni kila, ka sa sega ni raica na veivakanakuitataki mai vei Jiova na nomuni Kalou, na kena levu, na ligana kaukauwa, kei na ligana sa dodo yani,
3Lako 7.8—12.13kei na nona veivakatakilakila, kei na nona cakacaka, sa cakava ko koya e loma i Ijipita, kivei Fero na tui Ijipita, kei na nona vanua taucoko;
4Lako 14.28kei na ka sa cakava ko koya ki na mataivalu ni Ijipita, ki na nodra ose, kei na nodra qiqi-ni-valu; ni sa vakaluvuci ira e na Wasa Damudamu ni ra sa cicimuri kemuni, ka sa vakarusai ira ko Jiova ka yacova na siga oqo;
5kei na ka sa cakava ko koya vei kemuni mai na vanua lala, ka yacova na nomuni lako mai ki na yasana oqo;
6Tiko 16.31,32kei na ka sa kitaka ko koya kivei Tecani kei Epairami, na luve i Iliavi, na luve i Rupeni, ni sa kasei na vanua, ka tilomi rau, kei na nodrau lewe-ni-vuvale, kei na nodrau veivale laca, kei nai yau kecega sa tu vei ira, e na kedra maliwa na Isireli kecega.
7Ia na matamuni sa raica na cakacaka levu kecega i Jiova sa cakava ko koya.
8“Ia mo ni muria kina na vunau kece ka'u sa vakarota vei kemuni e na siga oqo, mo ni kaukauwa kina, ka lako me taukena na vanua ko ni sa lako yani kina mo ni taukena,
9ka me balavu talega na nomuni bula e na vanua sa bubului kina vei ira na nomuni qase ko Jiova me solia vei ira kei na nodra kawa, e dua na vanua sa dave kina na sucu kei na oni.
10Ia na vanua ko ni sa lako kina mo ni taukena, sa sega ni vaka na vanua ko Ijipita ko ni sa lako mai kina, ko ni a kaburaka kina na nomuni sore ni sila ka vakasuasuataka e na yavamuni, me vaka na were ni co laukana.
11Ia na vanua ko ni sa lako kina mo ni taukena, sa vanua vakaulunivanua kei na buca, ka sa dautau kina na uca mai lomalagi,
12e dua na vanua sa vakaraica tiko ko Jiova na nomuni Kalou. Sa qarava tikoga na mata i Jiova na nomuni Kalou, mai nai vakatekivu ni yabaki ka yacova nai vakataotioti ni yabaki.
13 Vsoro 26.3-5; Vrua 7.12-16; 28.1-14 “Ia ena yaco kevaka ko ni sa vakarorogo vakavinaka ki na noqu i vakaro, ka'u sa vakarota vei kemuni e na siga oqo—mo ni lomani Jiova na nomuni Kalou, ka mo ni qaravi koya e na lomamuni taucoko kei na yalomuni taucoko—
14au na qai vakatauca na uca ki na nomuni vanua e na kena gauna, na uca taumada kei na uca taumuri, mo yauta mai kina na nomuni sila, kei na nomuni waini, kei na nomuni waiwai.
15Ia ka'u na solia na co e na nomuni vanua ni veico me kedra na nomuni manumanu e yavai va, mo ni kana kina ka mamau.
16Mo ni qarauni kemuni, me kakua ni vakacalai na lomamuni, mo ni qai lesu tani kina, ka qarava na kalou tani eso, ka cuva vei ira;
17ni na tubu kina vei kemuni na cudru i Jiova, ka na sogota na lomalagi ko koya me kakua kina na uca, ka na sega ni vuataka na kena vuata na vanua; ka ko ni na rusa vakatotolo mai na vanua vinaka sa solia vei kemuni ko Jiova.
18 Vrua 6.6-9 “Ia mo ni maroroya na noqu vosa oqo e na lomamuni kei na yalomuni, ka vauca mei vakatakilakila e na ligamuni, ka me sa kenai ukuuku e na maliwa ni matamuni.
19Ia mo ni vakavulica vei ira na luvemuni, ka dauvosataka ni ko ni sa tiko e na nomuni vale, ni ko ni sa lako voli talega e na sala, ka ni ko ni sa la'ki koto, ni ko ni sa duri cake talega.
20Mo ni vola talega e na duru ni sogo ni nomuni vale, kei nai sogo ni nomuni matamata-ni-koro,
21me levu kina na nomuni siga kei na nodra siga na luvemuni, e na vanua sa bubului kina ko Jiova vei ira na nomuni qase me solia vei ira, me vaka na siga vakalomalagi e vuravura.
22Ia kevaka ko ni na vakabauta vakavinaka nai vakaro kecega oqo ka'u sa vakarota vei kemuni mo ni cakava, mo ni lomani Jiova na nomuni Kalou, ka lako e na nona sala kecega, ka kabiti koya;
23ena qai vakasevi ira tani ko Jiova e na matamuni na matanitu kecega oqori, ia ko ni na taukena eso na matanitu sa levu ka kaukauwa, ka lailai ka malumalumu koi kemuni.
24Josua 1.3-5A yasana kecega sa butuka na qeteqete ni yavamuni ena nomuni ga. Mai na vanua lala, kei Lepanoni, mai na uciwai ko ya, na uciwai ko Uferetisi, ka yacova na wasawasa mai na ra, ena nomuni yalayala.
25Sa na sega na tamata me tu rawa e matamuni. Ena vakatubura na rere kei na domobula e na vukumuni ko Jiova e na vanua kecega ko ni na butuka, me vaka ka kaya vei kemuni.
26“Raica, ka'u sa tauca e matamuni e na siga oqo na vosa ni veivakalougatataki kei na vosa ni veivakarusai:
27na vosa ni veivakalougatataki, kevaka ko ni sa vakarorogo ki nai vakaro i Jiova na nomuni Kalou, ka'u sa vakarota vei kemuni edaidai;
28kei na vosa ni veivakarusai, kevaka ko ni sa sega ni vakarorogo ki nai vakaro i Jiova na nomuni Kalou, ia ka sa vuki tani mai na sala ka'u sa vakarota vei kemuni edaidai, mo ni muria na kalou tani eso ko ni sa sega ni kila.
29Vrua 27.11-14; Josua 8.33-35Ia oqo, ni sa kauti kemuni yani ko Jiova na nomuni Kalou ki na vanua ko ni sa lako kina mo ni taukena, mo ni qai vakatura na vosa ni veivakalougatataki e dela ni Ulunivanua ko Kirisimi kei na vosa ni veivakarusai e dela ni Ulunivanua ko Ipali.
30Sa sega li ni rau tu e na tai kadua ni Joritani, e na ra ni gaunisala vaka ki na tikina sa dromu kina na mata-ni-siga, e na nodra vanua na kai Kenani era sa tiko e na vanua veibuca sa donui Kilikali, ka sa voleka ki na veioki mai More?
31Ni gauna ko ni sa qalo kosova kina na Joritani mo ni la'ki taukena na vanua sa solia vei kemuni ko Jiova na nomuni Kalou, ka gauna ko ni sa taukena ka tiko kina,
32mo ni qarauna mo ni vakamuria ka cakava nai lesilesi kecega kei na lewa ka'u sa vakatakila vei kemuni e na siga oqo.
Who We AreWhat We EelieveWhat We Do
2025 by iamachristian.org,Inc All rights reserved.
