1Sa kalougata ko koya sa nanuma na dravudravua;
ena vakabulai koya ko Jiova e na siga ni rarawa.
2Ena maroroi koya ko Jiova, ka vakabulai koya tiko;
ena vakalougatataki e vuravura.
Ko ni na sega ni soli koya me ra veitaliataki koya ko ira na nona meca.
3Ena vakaukauwataki koya ko Jiova ni sa malumalumu koto;
e na cakava me vinaka tiko na nona i mocemoce ni sa tauvimate no.
4Au a kaya, “I Jiova, ni lomani au mai;
ni vakavinakataka na yaloqu, ni'u a caka ca vei kemuni.”
5Sa vosavakacacataki au ko ira na noqu meca, ka kaya,
“Ena mate beka ninaica ka me boko laivi kina na yacana?”
6Kevaka sa mai raica ko koya, sa na vosa vakailasu ga,
sa vakananuma tiko ki na ka ca e na vu ni yalona;
ia ni sa lako voli e tautuba, sa tukuna.
7O ira kecega era sa cati au, era sa vakasolokakanataki au vata;
era sa vakananuma na ka me'u ca kina.
8Era kaya, “Sa dua na mate ca sa kabiti koya,
ia ni sa qai koto ena sega ni duri cake tale.”
9 Maciu 26.23; Mari 14.18; Luke 22.21; Joni 13.18 Ko koya mada ga na noqu i tokani voleka ka'u dauvakararavi vua,
o koya sa kania na kequ madrai, sa laqeti au e na bukubuku ni yavana.
10Ia koi kemuni, i Jiova, mo ni lomani au mai,
ka vakaduri au cake tale, me'u rawa ni sauma kivei ira!
11A ka oqo ka'u kila kina ni kemuni sa vinakati au;
ni sa sega ni gumatua vei au na noqu meca.
12Ia koi au, ko ni sa vakataudeitaki au e na noqu yalododonu,
ka vakataudeitaki au e matamuni ka sega ni mudu.
13 Same 106.48 Me vakavinavinakataki ko Jiova na Kalou ni Isireli,
sa sega ni tubu ka sega ni mudu.
Emeni, Emeni.
Who We AreWhat We EelieveWhat We Do
2025 by iamachristian.org,Inc All rights reserved.
