1 Veigauna 7 - Ai Vola Tabu (Vakadewa Makawa Vakavoutaki 2021)（FRV21）

Na Kawa i Isakari

1Ia ko iratou na tagane na luve i Isakari: ko Tola, kei Pua, ko Jasupi, kei Simironi, eratou lewe va.

2Ia ko iratou na tagane na luve i Tola: ko Usai, kei Rifaia, kei Jirieli, kei Jamei, kei Ipisami, kei Simueli, eratou turaga mai vei Tola, me vaka na veivuvale ni nodra qase e na vale i tamadra, ia a nei Tola, era sa tamata qaqa ka kaukauwa e na nodra i tabatamata, ka kedrai wiliwili e na gauna i Tevita e le ruasagavulu ka rua na udolu ka ono na drau.

3Ia na luve i Usai ka tagane: ko Isiraia; kei iratou na tagane na luve i Isiraia, ko Maikeli, kei Opetaia, kei Joeli, ko Isaia, eratou lewe lima, eratou turaga kece.

4A sa tiko vata kei ira, e na nodra i tabatamata, me vaka na veivuvale ni nodra qase, eso na mataivalu, era le tolusagavulu ka ono na udolu, ni sa le vuqa na watidra kei na luvedra tagane.

5Ia na wekadra era tamata qaqa ka kaukauwa vei ira na vuvale kecega i Isakari, sa wili kece e na nodra i tabatamata, era le walusagavulu ka vitu na udolu.

Na Kawa i Penijamini

6Mai vei Penijamini: ko Pela, kei Pekeri, kei Jitieeli, eratou lewe tolu.

7Ia ko iratou na tagane na luve i Pela: ko Esiponi, kei Usai, kei Usieli, kei Jirimoci, kei Iri, eratou lewe lima; eratou turaga e na veivale ni nodra qase, eratou tamata qaqa ka kaukauwa; a ra sa wili me vaka na nodra i tabatamata, ka ra le ruasagavulu ka rua na udolu ka tolusagavulu ka va.

8Ia ko iratou na tagane na luve i Pekeri: ko Simira, kei Joasa, kei Iliesa, kei Elioenai, kei Omirai, kei Jirimoci, kei Epaia, kei Anacoci, kei Alemeci. Ko iratou kece oqo eratou luve i Pekeri.

9Ia sa le ruasagavulu na udolu ka rua na drau na kedrai wiliwili e na nodra i tabatamata e na nodra i tubutubu, era turaga e na veivale ni nodra qase, era tamata kaukauwa ka qaqa.

10A luve i Jitieeli talega ka tagane: ko Pilani. Ia ko iratou na tagane na luve i Pilani: ko Jiusi, kei Penijamini, kei Eute, kei Kinana, kei Secani, kei Tasisi, kei Eiisaari.

11O ira kecega oqo na luve i Jitieeli, vei ira na turaga ni nodra qase, era tamata kaukauwa ka qaqa, era sa le tini ka vitu na udolu ka rua na drau na tamata sa yaga me ra la'ki ia nai valu.

12Ko Supimi talega, kei Upimi, koi rau na luve i Iri ka tagane, ko Usimi na luve i Aeri ka tagane.

Na Kawa i Navitalai

13O iratou na tagane na luve i Navitalai: ko Jasieli, kei Kuni, kei Jeseri, kei Salumi, ko iratou na luve i Pila.

Na Kawa i Manasa

14O iratou na tagane na luve i Manasa: ko Esirieli, o koya ka vakasucuma ko watina; (sa vakasucumi Mekiri na tama i Kiliati, na watina lailai na yalewa ni Siria.

15Ia ko Mekiri sa taura e dua me watina mai vei Upimi kei Supimi, ia na yaca ni ganedrau ko Meeka). Ia na yaca ni kenai karua ko Silofati, ka sa so na luve i Silofati ka yalewa.

16Ia ko Meeka na wati Mekiri sa vakasucuma e dua na gonetagane, a sa vakayacani koya ko Peresi; ia na yaca i tacina ko Seresi; ia koi rau na luvena tagane, ko Ulami kei Rekemi.

17Ia na luve i Ulami ka tagane, ko Pitani. O iratou oqo na tagane na luve i Kiliati, na luve i Mekiri ka tagane, na luve i Manasa ka tagane.

18Ia na ganena ko Molekeci sa vakasucumi Isoti, kei Epieseri, kei Mala.

19Ia ko iratou na tagane na luve i Simita: ko Eaiani, kei Sikemi, kei Liki, kei Eniami.

Na Kawa i Ifereimi

20Ia na luve i Ifereimi ka tagane: ko Sucela, kei Pereti na luvena tagane, kei Teaci na luvena tagane, kei Elata na luvena tagane, kei Teaci na luvena tagane,

21kei Sapati na luvena tagane, kei Sucela na luvena tagane, kei Esa, kei Elati, o iratou era vakamatea ko ira na kai Kaca era sucu e na vanua ko ya, ni ra sa lako sobu me ra kauta tani na nodra manumanu.

22A sa yasovaki iratou ko Ifereimi na tamadratou ka bogi vuqa, a sa lako mai ko iratou na tacina me vakacegui koya.

23Ia sa mocera na watina ko koya, ka sa kunekune, ka vakasucuma e dua na luvena tagane, a sa vakayacani koya ko Piria, ni sa yaco na ca ki na nona vale.

24(Ia na luvena yalewa ko Seira, sai koya ka tarai Peci-oroni mai ra, mai cake talega, kei Useni-seira.)

25Ia sa luvena tagane, ko Refa, ko Resefi talega, kei Tela na luvena tagane, kei Teani na luvena tagane,

26ko Latana na luvena tagane, ko Amiute na luvena tagane, ko Elisama na luvena tagane,

27ko Nuni na luvena tagane, ko Josua na luvena tagane.

28Ia na nodra vanua kei na nodra koro, ko Peceli kei na kena veikoro, kei Neerani vaka ki na tokalau, kei Keseri vaka ki na ra kei na kena veikoro, ko Sikemi talega kei na kena veikoro, ka yacovi Qasa kei na kena veikoro;

29ia e na nodra i yalayala na luve i Manasa, ko Peci-siani kei na kena veikoro, ko Tenaki kei na kena veikoro, ko Mikito kei na kena veikoro, ko Doa kei na kena veikoro. Era sa tiko kina ko ira na luve i Josefa na luve i Isireli.

Na Kawa i Aseri

30O iratou na luve i Aseri ka tagane: ko Imina, kei Isiva, kei Isivi, kei Piria, kei Sera na ganedratou.

31Ia koi rau na luve i Piria ka tagane: ko Eperi, kei Malikieli, o koya na tama i Pirisavici.

32A sa sucu na luve i Eperi ko Jafileti, kei Someri, kei Ocami, kei Sua na ganedratou.

33Ia ko iratou na tagane na luve i Jafileti: ko Pasaki, kei Pimali, kei Asivaci. O iratou oqo na luve i Jafileti.

34Ia ko iratou na tagane na luve i Semeri: ko Ei, kei Roka, ko Jiupa, kei Erami.

35Ia ko iratou na tagane na luve i Elemi na tacina: ko Sofa, kei Imina, kei Selesi, kei Amali.

36O ira na tagane na luve i Sofa: ko Sua, kei Arineferi, kei Suali, kei Peri, kei Imira,

37ko Peseri, kei Oti, kei Sama, kei Silisa, kei Icirani, kei Piera.

38Ia ko iratou na tagane na luve i Jica: ko Jifune, kei Pisipa, kei Ara.

39Ia ko iratou na tagane na luve i Ula: ko Ara, kei Anieli, kei Risaia.

40O ira kecega oqo era sa kawa i Aseri, era turaga e na veivale ni nodra qase, era tamata digitaki, era tamata kaukauwa ka qaqa, ka ra liu vei ira na turaga. Ia na kedrai wili e na nodra i tabatamata era yaga me lako ki nai valu, sa le ruasagavulu ka ono na udolu na tamata.