1Ia ko Mosese kei ira na qase ni Isireli era sa vakaroti ira na tamata, ka kaya, “Mo ni vakabauta nai vakaro kecega ka'u sa vakarota vei kemuni edaidai.
2Josua 8.30-32Ia e na siga ko ni sa qalo kosova kina na Joritani, ki na vanua sa solia vei kemuni ko Jiova na nomuni Kalou, mo ni qai vakaduria eso na vatu lelevu, ka boroya e nai boro.
3Ia mo ni vola kina na vosa kecega ni vunau oqo, ni ko ni sa yaco ki tai kadua, mo ni curu ki na vanua sa solia vei kemuni ko Jiova na nomuni Kalou, a vanua sa dave kina na sucu kei na oni; me vaka sa yalataka vei kemuni ko Jiova na Kalou ni nomuni qase.
4Ia ni ko ni sa qalo kosova na Joritani, mo ni qai vakaduria na veivatu oqo, ka'u sa vakarota vei kemuni edaidai, e na Ulunivanua ko Ipali, ia mo ni boroya e nai boro.
5Lako 20.25Ia ko ni na tara kina e dua nai cabocabo-ni-soro vei Jiova na nomuni Kalou, ai cabocabo-ni-soro vatu. Mo ni kakua ni taya e na kaukamea.
6Mo ni tara nai cabocabo-ni-soro i Jiova na nomuni Kalou e na vatu sa sega ni ta. Ia ko ni na vakacabora kina eso nai soro kama vei Jiova na nomuni Kalou,
7ko ni na vakamatea talega eso nai madrali ni veivinakati, ka kana mai kea, ka reki e na mata i Jiova na nomuni Kalou.
8Ia mo ni vola e na vatu na vosa kecega ni vunau oqo me macala sara.”
Vosa ni Cudru era Tau mai Ului Ipali9A sa vosa vei ira kecega na Isireli ko Mosese kei ira na bete na Livai, ka kaya, “Mo ni qarauni kemuni, ka vakarorogo, na Isireli; e na siga oqo ko ni sa yaco mo ni matanitu i Jiova na nomuni Kalou.
10Ia mo ni vakarorogo ki na vosa i Jiova na nomuni Kalou, ka cakava na nona i vakaro, kei na nona i lesilesi, ka'u sa vakarota vei kemuni edaidai.”
11A sa vakaroti ira na tamata e na siga ko ya ko Mosese, ka kaya,
12Vrua 11.29; Josua 8.33-35“O ira oqo era na tu e na dela ni Ulunivanua ko Kirisimi me vosavakalougatataki ira na tamata, ni ko ni sa yaco ki tai kadua ni Joritani; ko ira na Simione, kei ira na Livai, kei ira na Juta, kei ira na Isakari, kei ira na Josefa, kei ira na Penijamini.
13Ia ko ira oqo era na tu e na dela ni Ulunivanua ko Ipali me ra cavuta na vosa ni veicudruvi; ko ira na Rupeni, ko ira na Kata, kei ira na Aseri, kei ira na Sevuloni, ko ira na Tani, kei ira na Navitalai.
14A ra na vosa na Livai, ka kaya vei ira kecega na Isireli e na domo levu:
15 Lako 20.4; 34.17; Vsoro 19.4; 26.1; Vrua 4.15-18; 5.8 “Me cudruvi na tamata sa cakava e dua na matakau ceuceu se na matakau sa vakawaicalataki, na ka vakasisila vei Jiova, na cakacaka ni matai, ka vakaduria e na tikina vuni.” A ra na vosa na tamata kecega, ka kaya, “Emeni!”
16 Lako 20.12; Vrua 5.16 “Me cudruvi ko koya sa beci tamana se tinana.” A ra na vakaemeni na tamata kecega.
17 Vrua 19.14 “Me cudruvi ko koya sa kisira nai yalayala ni vanua ni kai nona.” A ra na vakaemeni na tamata kecega.
18 Vsoro 19.14 “Me cudruvi ko koya sa vakasesea na mataboko mai na sala.” A ra na vakaemeni na tamata kecega.
19 Lako 22.21; 23.9; Vsoro 19.33,34; Vrua 24.17,18 “Me cudruvi ko koya sa kauta vakatani na lewa e na vuku ni kai tani, kei ira sa sega na tamadra, kei na yada.” A ra na vakaemeni na tamata kecega.
20 Vsoro 18.8; 20.11; Vrua 22.30 “Me cudruvi ko koya sa veimoceri kei na wati tamana, ni sa vakarairaitaka ko koya na luvawale nei tamana.” A ra na vakaemeni na tamata kecega.
21 Lako 22.19; Vsoro 18.23; 20.15 “Me cudruvi ko koya sa koto vata kei na dua na manumanu.” A ra na vakaemeni na tamata kecega.
22 Vsoro 18.9; 20.17 “Me cudruvi ko koya sa cala kei na ganena, na luve i tamana, se na luve i tinana.” A ra na vakaemeni na tamata kecega.
23 Vsoro 18.17; 20.14 “Me cudruvi ko koya sa cala kei na tina ni watina.” A ra na vakaemeni na tamata kecega.
24“Me cudruvi ko koya sa mokuta lo na kai nona.” A ra na vakaemeni na tamata kecega.
25“Me cudruvi ko koya sa taura nai solisoli ni veivaqumi me mokuta-mate kina na tamata sa sega ni cala.” A ra na vakaemeni na tamata kecega.
26 Kala 3.10 “Me cudruvi ko koya sa sega ni vakadinadinataka na vosa ni vunau oqo me cakava.” A ra na vakaemeni na tamata kecega.
Who We AreWhat We EelieveWhat We Do
2025 by iamachristian.org,Inc All rights reserved.
