Same 93 - Ai Vola Tabu (Vakadewa Makawa Vakavoutaki 2021)（FRV21）

Na Cecere ni Nona Veiliutaki na Kalou

1Sa lewa ga ko Jiova, sa ukucavu vakatui ko koya;

sa vakaisulu ko Jiova e na kaukauwa, io, sa vauci koya kina.

Sa vakataudeitaki ko vuravura; me sega ni yavala rawa;

2sa tudei mai na gauna makawa na nomuni tikotiko vakaturaga;

o ni a sega ni tubu, o ni a bula tikoga.

3Sa rorogo cake, i Jiova, na vadugu ni wai levu,

sa rorogo cake na vadugu ni wai levu;

sa vakatubura cake na nodra biau na wai levu.

4Sa kaukauwa ko Jiova mai cake,

ka malumalumu na vadugu ni wai levu,

io sa malumalumu na ua ni wasawasa ni sa se vakaukauwa.

5Sa ka dinadina sara na nomuni tukutuku;

sa kilikili, i Jiova, kei na nomuni vale na yalosavasava,

ka sega ni mudu.