Josua 21 - Ai Vola Tabu (Vakadewa Makawa Vakavoutaki 2021)（FRV21）

Na Veikoro e Votai vei Ira na Livai

1Ia ko ira na nodra turaga na qase vei ira na Livai, era sa toro mai vei Iliesa na bete, kei Josua na luve i Nuni, kei ira na nodra turaga na qase ni nodra veiyavusa na Isireli;

2Tiko 35.1-8a ra sa vosa vei ira mai Sailo e na vanua ko Kenani, ka kaya, “Sa vakarota ko Jiova e na gusu i Mosese me soli na koro eso me keitou tiko kina, kei na vanua veico sa volita, me yaga ki na neitou manumanu e yavai va.”

3A ra sa solia vei ira na Livai ko ira na Isireli, mai na nodra i votavota na veikoro oqo kei na vanua veico sa volita, me vaka nai vakaro i Jiova.

4A sa lutu nai votavota ki na nodra veivuvale na luve i Koaca. Ia na luve i Eroni na bete, mai vei ira na Livai, era rawata e tinikatolu na koro, e na vakawiri madigi, mai na yavusa i Juta, ka mai na yavusa i Simione, ka mai na yavusa i Penijamini.

5Ia ko ira sa vo vei ira na luve i Koaca, era rawata e tini na koro, e na vakawiri madigi, mai na veivuvale ni yavusa i Ifereimi, ka mai na yavusa i Tani, ka mai na dua na yavusa-veimama i Manasa.

6Ia ko ira na luve i Kerisoni, era rawata e tinikatolu na koro, e na vakawiri madigi, mai na veivuvale ni yavusa i Isakari, ka mai na yavusa i Aseri, ka mai na yavusa i Navitalai, ka mai na dua na yavusa-veimama i Manasa mai Pasani.

7A sa tinikarua na koro era rawata na luve i Mirari, me vaka na nodra veivuvale, mai na yavusa i Rupeni, mai na yavusa i Kata, kei na yavusa i Sevuloni.

8Ia era sa solia e na vakawiri madigi ko ira na Isireli, vei ira na Livai, na veikoro oqo kei na vanua sa volita, me vaka ka vakarota ko Jiova e na gusu i Mosese.

9A ra solia na veikoro oqo, sa cavuti eke na yacadra, mai na nodra yavusa na Juta, kei na nodra yavusa na Simione,

10era sa rawata ko ira na luve i Eroni, e na nodra veivuvale na luve i Koaca, ni ra sa luve i Livai, ni sa votai taumada na nodra e na vakawiri madigi.

11A ra solia vei ira na koro i Aripa, na tama i Anaki, (ko ya ko Epironi,) kei na vanua e nai bili sa volita, sa toka mai na vanua veiulunivanua ko Juta.

12Ia na kena vanua na koro ko ya, kei na kena veikoro lalai, era sa solia vei Kelepi na luve i Jifune me nona i votavota.

13A ra sa soli Epironi kei na vanua sa volita, vei ira na luve i Eroni na bete, me koro me dro kina ko koya sa vakamatea e dua, ko Lipina talega kei na vanua sa volita,

14kei Jatiri kei na vanua sa volita, kei Esitimoa kei na vanua sa volita,

15kei Oloni kei na vanua sa volita, kei Tipiri kei na vanua sa volita,

16kei Eini kei na vanua sa volita, kei Juta kei na vanua sa volita, ko Peci-semesi kei na vanua sa volita—e ciwa na koro mai na yavusa ruarua oqo.

17Ka mai na yavusa i Penijamini, ko Kipioni kei na vanua sa volita, ko Kipa kei na vanua sa volita,

18ko Anacoci kei na vanua sa volita, kei Alimoni kei na vanua sa volita—e va na koro.

19A koro kecega ni luve i Eroni—era bete—sa tinikatolu taucoko, kei na vanua sa volita.

20Ia na nodra veivuvale na luve i Koaca, era Livai sa vo vei ira na luve i Koaca, na nodra veikoro sa lutu vei ira, e na vakawiri madigi, mai na yavusa i Ifereimi.

21Ni ra soli Sikemi vei ira kei na vanua sa volita mai na vanua veiulunivanua ko Ifereimi, me koro me dro kina ko koya sa vakamatea e dua; kei Keseri kei na vanua sa volita,

22kei Kipiseimi kei na vanua sa volita, kei Peci-oroni, kei na vanua sa volita—e va na koro.

23Ia mai na yavusa i Tani: ko Ilitike kei na vanua sa volita, ko Kipiconi kei na vanua sa volita,

24ko Eijaloni kei na vanua sa volita, ko Kaca-rimoni kei na vanua sa volita—e va na koro.

25Ia mai na dua na yavusa-veimama i Manasa: ko Tenaki kei na vanua sa volita, kei Kaca-rimoni kei na vanua sa volita—e rua na koro.

26Na koro kecega, vei ira na nodra veivuvale na luve i Koaca sa vo sa tini kei na vanua sa volita.

27Ia kivei ira na luve i Kerisoni, e na nodra veivuvale na Livai, era soli Kolani mai Pasani kei na vanua sa volita, me dro kina ko koya sa vakamatea e dua, mai na yavusa-veimama i Manasa; kei Pesitira kei na vanua sa volita—e rua na koro.

28Ia mai na yavusa i Isakari: ko Kisioni kei na vanua sa volita, ko Tapiraci kei na vanua sa volita,

29ko Jarimoce kei na vanua sa volita, ko Eni-kanimi kei na vanua sa volita—e va na koro.

30Ia mai na yavusa i Aseri: ko Misali kei na vanua sa volita, ko Apitoni kei na vanua sa volita,

31ko Elikaci kei na vanua sa volita, kei Riopi kei na vanua sa volita—e va na koro.

32Ia mai na yavusa i Navitalai: ko Ketesi mai Kalili kei na vanua sa volita, me dro kina ko koya sa vakamatea e dua; kei Emoci-tori kei na vanua sa volita, kei Karitani kei na vanua sa volita—e tolu na koro.

33A nodra koro kecega na luve i Kerisoni, me vaka na nodra veivuvale, sa tinikatolu na koro kei na vanua sa volita.

34Ia kivei ira na vo ni Livai—na veivuvale ni luvei Mirari—era sa votai mai na yavusa i Sevuloni: ko Jokiniami kei na vanua sa volita, ko Karita kei na vanua sa volita,

35ko Timina kei na vanua sa volita, ko Neelali kei na vanua sa volita—e va na koro.

36Ia mai na yavusa i Rupeni, era soli Peseri kei na vanua sa volita, kei Jeasa kei na vanua sa volita,

37ko Kitemoci kei na vanua sa volita, kei Mefeaci kei na vanua sa volita—e va na koro.

38Ia mai na yavusa i Kata, ko Remoci mai Kiliati kei na vanua sa volita, me dro kina ko koya sa vakamatea e dua; kei Meeneimi kei na vanua sa volita,

39ko Esiponi kei na vanua sa volita, ko Jaseri kei na vanua sa volita—na koro kece e va.

40Na nodra koro kece na luve i Mirari, me vaka na nodra veivuvale, ko ya sa vo vei ira na nodra veivuvale na Livai, sa tinikarua na koro, e na vakawiri madigi.

41Na nodra koro kecega na Livai, e loma ni nodra i votavota na Isireli, sa vasagavulu ka walu na koro kei na vanua sa volita.

42Na veikoro yadua oqo era sa tiko vata kei na vanua sa volita; sa vakakina na koro kecega oqo.

Sa Vakayacori na Vosa ni Yalayala i Jiova

43Sa solia vakaoqo vei ira na Isireli ko Jiova na vanua kece ka bubului kina ko koya me solia vei ira na nodra qase; a ra sa taukena, ka tiko kina.

44A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

45Sa sega ni lutu e dua na ka e na ka vinaka kecega ka vosa kina ko Jiova kivei ira na Isireli; sa yaco kece sara ga.