1 Aisea 14.29-31; Isi 25.15-17; Joeli 3.4-8; Emo 1.6-8; Sefa 2.4-7; Saka 9.5-7 Sai koya oqo na vosa i Jiova vei Jeremaia na parofita ka baleti ira na kai Filisitia, ni bera ni qai samuti Qasa ko Fero:
2“Sa kaya vakaoqo ko Jiova:
Raica, sa tubu cake na wai mai na mata ni vualiku,
io sa na dua na dobui levu;
ena luvuca na vanua, kei na ka kecega sa tu kina,
na koro kei ira era sa tiko kina.
Era na qai tagi na tamata,
ka ra na qoqolou ko ira kecega na lewe-ni-vanua.
3E na vuku ni vadugu ni yavadra na nona ose kaukauwa,
kei na rorogo ni nona qiqi-ni-valu, kei na vadugu ni yava ni nona qiqi-ni-valu,
era na sega ni rai ki muri na qase vei ira na luvedra
ni sa wadamele na ligadra,
4e na vuku ni siga sa yaco mai
me vakacacani ira kece kina na kai Filisitia,
ka muduka tani mai Taia kei Saitoni
na dauniveivuke kecega sa vo.
Ni na vakacacana na kai Filisitia ko Jiova,
ko ira vo-ni-bula e na baravi kei Kafitori.
5Sa tasi ulu ko Qasa;
sa muduki laivi ko Asikiloni.
Kei ira na vo-ni-bula e na nodra buca,
me bogi vica mada mo tavalaki iko tiko kina?
6Ko iko nai seleiwau i Jiova,
me bogi vica mada mo qai vakacegu?
Mo daramaki iko mada ki na nomu taga ni seleiwau,
mo cegu, ka tiko vakadua!
7Me vakacegu vakaevei,
ni sa vakarota vua ko Jiova na lewa?
Me ravuti Asikiloni kei na baravi—
ni sa lesia ko koya me vakakina.”
Who We AreWhat We EelieveWhat We Do
2025 by iamachristian.org,Inc All rights reserved.
