Same 126 - Ai Vola Tabu (Vakadewa Makawa Vakavoutaki 2021)（FRV21）

A Tatamusuki ni Reki kei na Marau A Sere ni cabecabe.

1Ni sa vakalesuya tale ko Jiova na bobula ni Saioni,

eda a vakataki ira era sa tadra.

2Sa qai ka levu na dredre e na gusuda,

ka levu na sere e na yameda;

era sa qai kaya ko ira e na veimatanitu,

“Sa cakava na ka levu ko Jiova e na vukudra.”

3Sa cakava na ka levu ko Jiova e na vukuda;

eda sa marau kina.

4Mo ni lesu tale mai, Jiova, vei keimami sa vakabobulataki,

me vaka na uciwai mai na mata ni ceva.

5O ira era sa tagi lako ni ra kabukaburaki voli,

era na tatamusuki ga e na reki!

6O koya sa lako yani ka tagi voli,

ni sa kauta na sore ni sila,

ena lesu tale mai e na marau,

ni sa kauta vata kaya mai na nona veivau sila.