Roma 1 - Ai Vola Tabu (Vakadewa Makawa Vakavoutaki 2021)（FRV21）

1Koi au ko Paula, na dauveiqaravi i Jisu Karisito, sa kacivi mei apositolo, ka lesi me'u tukuna nai tukutuku-vinaka ni Kalou,

2o koya sa yalataka eliu ko koya ka ra tukuna na nona parofita e nai Vola Tabu,

3e na vuku ni Luvena ko Jisu Karisito na noda Turaga, o koya sa sucu mai na kawa i Tevita me vaka na yagona,

4o koya sa vakatakilai vakaukauwa e na tucake tale mai na mate, ni sa Luve ni Kalou, me vaka na yalona savasava,

5o koya keitou sa rawata talega kina na loloma kei na cakacaka vakaiapositolo, me ra vakabauta ka talairawarawa kina ko ira na lewe ni veivanua kecega, e na vuku ni yacana,

6ka dou sa kacivi oti vaka talega kina koi kemudou mo dou nei Jisu Karisito,

7Vei kemudou kecega sa tiko mai Roma, oi kemudou sa dau lomana na Kalou, oi kemudou sa kacivi me yalosavasava:

Me nomudou na loloma kei na vakacegu mai vua na Kalou ko Tamada kei Jisu Karisito na Turaga.

Na Masu ni Vakavinavinaka

8Me'u vakatekivu, ko Jisu Karisito ka'u sa vakavinavinaka kina vua na noqu Kalou e na vukumudou kecega, ni sa tukuni e vuravura taucoko na nomudou vakabauta.

9Ni sa noqu i vakadinadina na Kalou, o koya ka'u sa qarava e na vu ni yaloqu e nai tukutuku-vinaka ni Luvena, ni'u sa sega ni mudu ni cavuti kemudou e na veisiga e na noqu masu;

10ni'u sa daumasu, me dua na gauna me'u kalougata kina e na lewa ni Kalou me'u yaco yani vei kemudou.

11Ni'u sa gadreva vakalevu me'u raici kemudou, me'u solia vei kemudou nai solisoli vakayalo eso mo dou vakaukauwataki kina—

12se me da dui vakayaloqaqataki e na vuku ni nomudou vakabauta kei na noqu talega.

13 Caka 19.21 Ia, koi kemudou na veiwekani, ka'u sa sega ni vinakata mo dou lecava, ni'u sa nakita vakavuqa me'u lako yani vei kemudou, (ia ka'u sa tarovi ga ka yacova na siga oqo,) me dua na noqu yaga e na kemudou maliwa, me vaka talega e na kedra maliwa na veimatanitu tani.

14Sa dodonu vei au me'u sai talatala vei ira na kai Kirisi, vei ira talega na lewe ni veivanua wale; vei ira na vuku kei ira talega sa sega ni vuku.

15O koya oqo ka sa yaloqu kina me'u vunautaka nai tukutuku-vinaka vei kemudou talega mai Roma.

Na Kaukauwa ni Tukutuku Vinaka

16 Mari 8.38 Ni'u sa sega ni maduataka nai tukutuku-vinaka kei Karisito; ni sai koya oqo na kaukauwa ni Kalou me vakabulai kina ko ira yadua era sa vakabauta, sa liu vei ira na Jiu, vei ira talega na kai matanitu tani.

17Apa 2.4Ni sa vakatakilai kina, ni sa vakadonui ira na Kalou e na vakabauta me ra sa vakabauta; me vaka na ka sa volai, “Ena bula ko koya sa yalododonu e na vuku ni vakabauta.”

Nai Tovo Ca ni Tamata

18Ni sa vakatakilai mai lomalagi na cudru ni Kalou ki na nodra i valavala ca kecega kei na nodra tawa dodonu na tamata, era sa tarova nai vakavuvuli dina e nai valavala tawa dodonu.

19Ni sa rairai e na kedra maliwa na ka ni Kalou sa kilai rawa, ni sa vakaraitaka vei ira na Kalou.

20Ni sa kune na veika ni Kalou e vuni tu, io, na nona kaukauwa tawa mudu kei na nona i tovo Vakalou, ni sa kilai oti e na veika sa buli, mai na gauna sa buli kina ko vuravura. O koya oqo sa sega kina na nodra ulubale.

21Efe 4.17,18Io, ni ra sa kila tiko na Kalou, era sa sega ni vakarokorokotaka me vaka sa Kalou, se vakavinavinaka, ia sa lialia mai na nodra nanuma, a sa butobuto mai na yalodra sa sesewa.

22Ni ra sa kaya tiko era sa vuku, era sa lialia mai;

23Vrua 4.16-18a ra sa vakaisosomitaka na serau ni Kalou sa sega ni mate rawa, e na matakau me vaka na tamata sa ra mate wale, kei na manumanu vuka, kei na manumanu e yavai va, kei na veika sa qasi voli.

24O koya sa biuti ira kina na Kalou me ra qeleqelewa e na dodomo ni yalodra, me ra vakavelavelataka kina na yagodra vakai ira,

25ni ra sa vakaisosomitaka nai vakavuvuli dina ni Kalou e na ka e lasu wale, a ra sa soro kina ka qarava na ka sa buli ka segai ko koya sa bulia, o koya sa nona na vakarokoroko ka sega ni mudu! Emeni.

26O koya oqo sa biuti ira kina na Kalou me ra muria na dodomo vakasisila. Ni ra sa vakaisosomitaka ko ira na nodra yalewa nai valavala ni veidomoni sa lesi ki na dua tale sa sega ni lesi,

27ka vaka talega kina ko ira na tagane, ni ra sa biuta nai valavala ni veidomoni sa lesi vata kei na yalewa ka sa waqa na nodra veidomoni vakai ira. A ra sa kitaka ko ira na tagane na ka velavela sara kei ira na tagane, a sa yaco kina vei ira nai sau dodonu ni nodra caka cala.

28Ia ni ra sa sega ni vinakata me ra kila tiko na Kalou, sa biuti ira na Kalou me ra lomavakatani, me ra kitaka na veika e sega ni kilikili kei ira.

29Era sa sinai e na ka kecega e ca, e na yalo ca, e na daukocokoco, e na dauveivakacacani; era sinai e na vuvu, e na laba, e na veileti, e na dauveivakaisini, e na yalocudrucudru. Era dauvakasolokakana,

30era daukakase, era daucata na Kalou, era vosalevu, era viavialevu, era daudokai ira, era dauvakavuna na ca, era dautalaidredre kivei ira na nodra qase,

31era sega ni yalomatua, era sega ni yalodina, ka ra sa caca veiwekani, ka sega ni yalololoma.

32Ia era sa kila tiko na lewa ni Kalou, ni sa dodonu me mate ko ira era sa kitaka na veika vakaoqo—ia era sa sega ni kitaka walega ko ira, era sa vakadonui ira talega era sa daukitaka.