Vakatekivu 33 - Ai Vola Tabu (Vakadewa Makawa Vakavoutaki 2021)（FRV21）

Na Sota nei Jekope kei Iso

1A sa ta cake ko Jekope, a sa rai yani, ka raica, sa lako mai ko Iso, kei ira vata kaya na tamata e lewe va na drau. A sa wasei iratou na gone kivei Lia, kei Raijeli, vei rau talega na vada.

2A sa lesi rau na vada kei iratou na luvedrau me ratou liu, kei Lia kei na luvena me tarava, kei Raijeli kei Josefa me muri sara.

3A sa liu sara vei ira ko koya, ka cuva vakavitu ki na qele, a sa toro vua na tuakana.

4Ia sa cici ko Iso me veitata kaya, a sa mokota, ka baleta na domona, ka reguca, ka rau sa veitagicaki.

5A sa ta cake, ka kunei iratou na yalewa kei na gone, ka sa kaya, “Ko cei ko ira oqo era tiko kei iko?” A sa kaya ko Jekope, “Oqo ko ira na gone sa solia e na loloma na Kalou vua na nomuni tamata.”

6Erau sa qai toro mai na vada, koi rau, kei iratou na luvedrau, a ratou sa cuva.

7Ko Lia talega kei iratou na luvena, eratou sa toro mai, ka cuva. A sa oti, sa qai toro mai ko Josefa kei Raijeli, a rau sa cuva.

8A sa kaya ko koya, “A cava na kenai balebale ni veiwasewase kecega oqo ka'u a veitata kaya?” A sa kaya ko Jekope, “A ka me'u kune loloma kina vua na noqu turaga.”

9Ia sa kaya ko Iso, “Sa rauta vinaka na veika sa tu vei au, na taciqu; me tiko ga kei iko na ka e nomu.”

10A sa kaya ko Jekope, “Kerekere me kakua mada; kevaka ko sa yalovinaka vei au, ia mo ciqoma mada na noqu ka ni loloma; ni sa vaka na noqu raica na mata ni Kalou na noqu raica na matamuni, ka me vaka ni ko sa ciqomi au e na yalovinaka.

11Yalo vinaka mo ni ciqoma mada na noqu ka ni loloma sa kau mai oqo vei kemuni; ni sa cakacaka vakayalololoma vei au na Kalou, ka'u sa rawata na ka kecega au vinakata.” A sa cikevi koya, ka sa qai taura.

12A sa qai kaya ko Iso, “Me daru sa lako vata yani, ia ka'u na liutaki iko.”

13Ia sa kaya vua ko Jekope, “Ko ni sa kila na noqu turaga ni ra sa malumalumu na gone, kei ira na sipi kei na bulumakau era vakasucu, ka'u qarauni ira tiko; ni ra na mate kece talega na manumanu kevaka era na kau vakayawa e na dua na siga.

14Mo ni lako yani eliu na noqu turaga, ka'u na qai liutaki ira yani vakamalua na nomu tamata, me vaka nai vakarau ni nodra toso na manumanu era sa liu tiko, kei ira na gone, me yacova ni'u sa lako yani ki Sia vua na noqu turaga.”

15A sa kaya ko Iso, “Me'u lesia mada eso na tamata era tiko vei au, me lako vata kei iko.” Ia sa kaya ko koya, “Me i cavai oqori? Me'u kune loloma mada vua na noqu turaga.”

16A sa lesu ko Iso e na siga ko ya, e na sala ki Sia.

17Ia sa lako yani ki Sukoci ko Jekope, ka sa tara e dua na nona vale, ka sa cakava eso na vale ni manumanu e na tabanikau; a sa vakatokai kina na yaca ni vanua ko ya ko Sukoci.

Sa Yaco ki Sikemi ko Jekope

18A sa yaco e na vakacegu ko Jekope, ki na koro ko Sikemi, mai na vanua ko Kenani, ni sa lako mai Petani-erama ko koya; a sa birika na nona valelaca, ka me donuya na koro.

19 na kenai voli.

20A sa cakava mai kea e dua nai cabocabo-ni-soro, a sa vakayacana ko Eli-eloe-Isireli.