1 Korinica 5 - Ai Vola Tabu (Vakadewa Makawa Vakavoutaki 2021)（FRV21）

Nai Valavala Vakasisila e na Loma ni Lotu

1 Vrua 22.30 Sa rogo sara ni sa dua vei kemudou sa dauyalewa, ia na dauyalewa vaka ko ya sa sega ni kunei vei ira era sa sega ni lotu, ni sa dua sa taura na wati tamana.

2Ia dou sa viavialevu, ka sega ni tagicaka, me biu tani kina vei kemudou ko koya sa kitaka na ka oqo.

3Ia koi au, ni'u sa yali vakayago, ia sa tiko vata kei kemudou na yaloqu, au sa lewai koya sa cakava na ka oqo, me vaka ka'u sa tiko kina.

4E na yaca ni noda Turaga ko Jisu Karisito, ni dou sa soqoni vata tu, kei na yaloqu, kei na kaukauwa ni noda Turaga ko Jisu,

5mo dou soli koya sa vakaoqo vei Setani me vakarusai kina na yagona, ka me rawa ni vakabulai kina na yalona e na siga ni Turaga ko Jisu.

6 Kala 5.9 Sa sega ni vinaka na nomudou vosa doudou. Dou sa sega beka ni kila sa dauvakalevenitaka nai buli taucoko na leveni lailai?

7Lako 12.5O koya mo dou qai biuta tani na leveni makawa, mo dou yaco kina mei buli vou, me vaka dou sa sega ni vakalevenitaki. Ni sa vakamatei oti e na vukuda na noda Lako-sivia, io na Karisito.

8Lako 13.7; Vrua 16.3O koya me da qai ia na soqoni, me kakua ga e na leveni makawa, se na leveni ni yalo ca, kei nai valavala ca; e na yalosavasava ga kei na yalodina sa sega ni vakaleveni.

9Au a vola vei kemudou e nai vola mo dou kakua ni dautiko vata kei ira na tamata dauveidauci—

10ka'u sa sega ni vakaibalebaletaka oqo ki na cakacaka vakatawadodonu ni vuravura oqo, se vei ira na daukocokoco, se na daukovekove, se na dausoro ki na matakau, baleta ni sa rawa ga oqori kevaka dou lako tani vakadua e vuravura.

11Ia oqo ga, ka'u sa vola vei kemudou, mo dou kakua ni dautiko vata kei na dua sa vakatokai me wekada, o koya sa dauveiyacovi vakatawadodonu tiko, se daukocokoco, se dausoro ki na matakau, se dauveivakasewasewani, se daumateni, se daukovekove, mo dou kakua ni kana vata kaya sa vakakina.

12Vrua 13.5; 17.7 (LXX)Sa noqu i tavi li me'u lewai ira era sa sega ni curu? Ia ko ira era sa curu dou sa lewa se segai?

13Ia ko ira sa sega ni curu sa lewa na Kalou. “O koya mo dou qai biuta tani vei kemudou na tamata i valavala ca ko ya.”