Vakarua 16 - Ai Vola Tabu (Vakadewa Makawa Vakavoutaki 2021)（FRV21）

Na Rai Lesuvi ni Lako-sivia(Lako Yani 12.1-20)

1 Lako 12.1-20; Vsoro 23.5-8; Tiko 28.16-25 “Mo ni nanuma na vula ko Epipi, ka ia kina na solevu ni Lako-sivia vei Jiova na nomuni Kalou, ni sa kauti kemuni tani mai Ijipita ko Jiova na nomuni Kalou e na vula ko Epipi e na bogi.

2Ia mo ni vakacabora kina nai soro ni Lako-sivia vei Jiova na nomuni Kalou, mai vei ira na qele ni sipi kei na qele ni bulumakau, e na yasana sa digitaka ko Jiova me vakatikora kina na yacana.

3Mo ni kakua ni kania vata kei na madrai sa vakaleveni. Me bogi vitu mo ni kania vata kaya tiko na madrai sa sega ni vakaleveni—na kakana ni rarawa—baleta ni kemuni a lako vakatotolo sara mai na vanua ko Ijipita, mo ni nanuma kina na siga ko ni a lako tani kina mai na vanua ko Ijipita e na veisiga kecega ko ni sa bula kina.

4Ia me kakua vei kemuni na ka sa vakaleveni ka bogi vitu e na nomuni yasana kecega; me kakua talega ni vo e na bogi, me yacova na mataka, e dua na tiki ni lewe manumanu ko ni sa vakacabora e na yakavi e nai matai ni siga.

5E sega ni tara mo ni vakacabora nai soro ni Lako-sivia e na nomuni lomanibai kecega, sa solia vei kemuni ko Jiova na nomuni Kalou,

6e na tikina ga sa digitaka ko Jiova na nomuni Kalou me vakatikora kina na yacana, mo ni vakacabora kina nai soro ni Lako-sivia e na yakavi, ni sa la'ki dromu na mata-ni-siga, e na tiki-ni-siga ko ni a lako tani kina mai Ijipita.

7Ia mo ni tavuna ka kania e na yasana sa digitaka ko Jiova na nomuni Kalou; ia ko ni na lesu e na mataka, ka lako yani ki na nomuni veivale laca.

8E ono na siga mo ni kania kina na madrai sa sega ni vakalevenitaki, ia e nai kavitu ni siga me dua na soqosoqo tabu e na vuku i Jiova na nomuni Kalou. Mo ni kakua ni kitaka kina na cakacaka.

Na Solevu ni Veiwiki

9 Vsoro 23.15-21; Tiko 28.26-31 “Mo ni wilika vei kemuni e vitu na macawa. Mo ni tekivu wilika na macawa e vitu mai nai vakatekivu ni tamusuki sila.

10Ka mo ni qarava na solevu ni veiwiki vei Jiova na nomuni Kalou, ni ko ni solia nai vakacavacava sa vinakata na lomamuni ka rawarawa vei kemuni, ko ni na solia, me vaka sa vakalougatataki kemuni ko Jiova na nomuni Kalou.

11Ia ko ni na reki e na mata i Jiova na nomuni Kalou—koi kemuni, kei na luvemuni tagane, kei na luvemuni yalewa, kei na nomuni tamata, kei na nomuni vada, kei na Livai sa tiko e nomuni lomanibai, kei na vulagi, kei ira sa sega na tamadra, kei na yada, era sa tiko kei kemuni—e na yasana sa digitaka ko Jiova na nomuni Kalou me vakatikora kina na yacana.

12Ia mo ni nanuma ni ko ni a bobula mai Ijipita; mo ni nanuma talega mo ni muria nai lesilesi oqo.

Raici Lesuvi na Solevu ni Vale Tabanikau(Vunau ni Soro 23.33-43)

13 Vsoro 23.33-36,39-43; Tiko 29.12-38 “Mo ni ia na solevu ni vale tabanikau ka bogi vitu, ni kemuni sa kumuna vata mai na ka mai na nomuni rara ni samu sila kei na nomuni keli-waini.

14Ia mo ni na reki e na nomuni solevu, koi kemuni, kei na luvemuni tagane, kei na luvemuni yalewa, kei na nomuni tamata bobula tagane kei na yalewa, kei na Livai, kei na vulagi, kei ira sa sega na tamadra, kei na yada era sa tiko e nomuni lomanibai.

15Sa bogi vitu mo ni ia kina na solevu vei Jiova na nomuni Kalou e na yasana sa na digitaka ko Jiova, ni na vakalougatataki kemuni ko Jiova na nomuni Kalou e na nomuni vuata kecega, kei na cakacaka kecega ni ligamuni; o koya ko ni na reki vakaidina kina.

16“Era na rairai vakatolu e na loma ni dua na yabaki e na mata i Jiova na nomuni Kalou ko ira kecega na nomuni tagane, e na vanua sa na digitaka ko koya: e na solevu ni kana madrai sa sega ni vakaleveni, kei na solevu ni veiwiki, kei na solevu ni vale tabanikau. Me ra kakua ni lako liga lala mai vei Jiova;

17ia me ra solia ko ira na tamata yadua me vaka na ka era sa rawata, me vaka na ka sa solia vei kemuni ko Jiova na nomuni Kalou ni sa vakalougatataki kemuni.

Na Lewa Dodonu me Vakayacori

18“Mo ni lesia vei kemuni eso na turaga-ni-lewa kei na ovisa e na nomuni koro kecega sa solia vei kemuni ko Jiova na nomuni Kalou, e na nomuni veiyavusa, ka ra na lewai ira na tamata e na lewa dodonu.

19Lako 23.6-8; Vsoro 19.15Mo ni kakua ni moica vakatani na lewa; mo ni kakua ni totaka e dua na tamata, se taura nai solisoli ni veivaqumi, ni sa vakamatabokotaka na matana na tamata yalomatua na veivaqumi, ka vakatanitaka na vakatauci ni lewa vua sa dodonu.

20A ka dodonu, io na veika dodonu ga mo ni muria, mo ni na bula kina ka taukena na vanua sa solia vei kemuni ko Jiova na nomuni Kalou.

Nai Tovo e Vakatabui e na Vakacaboisoro

21 Lako 34.13 “Mo ni kakua ni tea e dua na nomuni kau me kalouyalewa ni veikau me toka volekata nai cabocabo-ni-soro i Jiova na nomuni Kalou ko ni sa cakava vei kemuni.

22Vsoro 26.1Ka mo ni kakua ni vakaduria e dua nai vakatakarakara ni ka, ni sa cata ko Jiova na nomuni Kalou.