1 Veigauna 27 - Ai Vola Tabu (Vakadewa Makawa Vakavoutaki 2021)（FRV21）

Ko Ira na Veiqaravi Vakaveiliutaki

1Ia oqo na kedrai wiliwili na Isireli, ko ira na qase turaga, kei ira na turaga ni yayaudolu kei na yayadrau, kei ira na vakailesilesi era sa veitaravi ni ra qarava na tui, ko ira era sa lako mai ka lako yani vakavula, e na veivula kecega ni yabaki, sa yaruasagavulu ka va na udolu.

2Sa turaga vei ira na mataivalu e nai matai ni vula ko Jasopiami na luve i Sapitieli ka tagane; ka sa lewe ruasagavulu-ka-va na udolu e na nona mataivalu.

3O koya sa liu vei ira kece na kavetani ni veimataivalu e nai matai ni vula sa mai vei ira na luve i Peresi.

4A sa turaga ko Totei na luve i Eoi e na mataivalu sa lako e nai karua ni vula, sa lewa talega e na nona mataivalu ko Mikiloci. A sa lewe ruasagavulu-ka-va na udolu e na nona mataivalu.

5Ai katolu ni turaga ni mataivalu, sa lako e nai katolu ni vula, ko Penaia na luve i Jioiata ka tagane, sa tamata turaga; a sa lewe ruasagavulu-ka-va na udolu e na nona mataivalu.

6Ko Penaia oqo sa dua vei ira na lewe tolusagavulu na qaqa, a sa uasivi cake vei ira na lewe tolusagavulu, ka sa tiko e na nona mataivalu ko Amisapati na luvena tagane.

7Ai kava, sa lako e nai kava ni vula, ko Asaeli na taci Joape, a sa taravi koya ko Sepataia na luvena tagane; a sa lewe ruasagavulu-ka-va na udolu e na nona mataivalu.

8Ai kalima ni turaga-ni-valu, sa lako e nai kalima ni vula, ko Samuci na Isira; a sa lewe ruasagavulu-ka-va na udolu e na nona mataivalu.

9Ai kaono, sa lako e nai kaono ni vula, ko Ira, na tagane na luvei Ikesi na kai Tikoa; a sa lewe ruasagavulu-ka-va na udolu e na nona mataivalu.

10Ai kavitu, sa lako e nai kavitu ni vula, ko Elesi na kai Piloni, mai vei ira na luve i Ifereimi; sa lewe ruasagavulu-ka-va na udolu e na nona mataivalu.

11Ai kawalu, sa lako e nai kawalu ni vula, ko Sipikei na luve i Usa, mai vei ira na luve i Sera; a sa le ruasagavulu-ka-va na udolu e na nona mataivalu.

12Ai kaciwa, sa lako e nai kaciwa ni vula, ko Epieseri na kai Anacoci, mai vei ira na yavusa i Penijamini; a sa lewe ruasagavulu-ka-va na udolu e na nona mataivalu.

13Ai katini, sa lako e nai katini ni vula, ko Meerei na kai Nitofa, mai vei ira na luve i Sera; a sa lewe ruasagavulu-ka-va na udolu e na nona mataivalu.

14Ai katinikadua, sa lako e nai katinikadua ni vula, ko Penaia na kai Piraconi, mai vei ira na luve i Ifereimi; a sa lewe ruasagavulu-ka-va na udolu e na nona mataivalu.

15Ai katinikarua, sa lako e nai katinikarua ni vula, ko Elitai na kai Nitofa, mai vei Ocinieli; a sa lewe ruasagavulu-ka-va na udolu e na nona mataivalu.

Na Nodra Turaga Veiliutaki na Veiyavusa i Isireli

16A nodra turaga talega na veiyavusa i Isireli, sa lewai ira na Rupeni ko Iliesa na luve i Sikiri ka tagane; vei ira na Simione, ko Sefataia na luve i Meeka ka tagane;

17vei ira na Livai, ko Asapaia na luve i Kemueli ka tagane; vei ira na luve i Eroni, ko Setoki;

18vei ira na Juta, ko Ilaiu, vei ira na tuakai Tevita; vei ira na Isakari, ko Omirai na luve i Maikeli ka tagane;

19vei ira na Sevuloni, ko Isimaia na luve i Opetaia ka tagane; vei ira na Navitalai, ko Jirimoci na luve i Asirieli ka tagane;

20vei ira na Ifereimi, ko Osea na luve i Asasaia ka tagane; vei ira yavusa-veimama i Manasa, ko Joeli na luve i Petaia ka tagane;

21vei ira na yavusa-veimama i Manasa mai Kiliati, ko Ito na luve i Sakaraia ka tagane; vei ira na Penijamini, ko Jeesieli na luve i Epineri ka tagane;

22vei ira na Tani, ko Esareli na luve i Jiroame ka tagane. O ira oqo era sa turaga ni nodra veiyavusa na Isireli.

23 Vteki 15.5; 22.17; 26.4 A sa sega ni wiliki ira ko Tevita sa ruasagavulu na nodra yabaki ka toro sobu, ni sa kaya oti ko Jiova ena vakalewevuqataki ira na Isireli, me vaka na veikalokalo mai na lomalagi.

242Samu 24.15; 1Vei 21.1-14Sa vakatekivu ko Joape na luve i Seruwaia me wiliki ira, ka sa sega ni vakaotia, ni sa lutu vei ira na Isireli na cudru, e na vuku ni ka oqo, ka sa sega ni volai na kenai wiliwili e nai vola ni tukutuku i Tevita na tui.

Ko Ira nai Vakalesilesi ni Tui

25A sa nona dauniyau na tui ko Asimavece na luve i Etieli ka tagane; ka sa lewa na lololo e na veiwere, kei na veikoro, kei na veikoro lalai, kei na vei vale-ni-valu, ko Jonacani na luve i Usaia ka tagane.

26A sa lewai ira era sa cakacaka e na veiwere me cukiraka, ko Esirai na luve i Kilupi ka tagane;

27ka sai vakatawa ni loga-ni-vaini ko Semeai na kai Rama. A sa lewa na vua ni veiloga-ni-vaini, kei na veivale ni waini ko Sapiti na kai Savani.

28A sa lewa na veiolive, kei na veilolo, e na veibuca, ko Peali-anani na kai Kiteri; ka sa lewa na veivale ni waiwai ko Joasa.

29A sa lewa na qele ni manumanu sa kana voli mai Saroni, ko Sitirei na kai Saroni; ka sa lewa na qele ni manumanu era sa tiko e na veibuca, ko Safati na luve i Atilai ka tagane.

30Sa lewa na qele ni kameli ko Opili na Isimelaiti. A sa lewa na qele ni asa ko Jetaia na Meronotaiti.

31A sa lewa na qele ni sipi ko Jasisi na Akiraiti. O iratou oqo eratou sa lewa nai yau kecega i Tevita na tui.

Ko Ira na Daunivakasala i Tevita na Tui

32A sa lewe ni bose ko Jonacani, na tamana lailai ko Tevita, ka sa tamata vuku ka vunivola; ka sa tiko vata kei iratou na luvena tagane na tui ko Jieli na luve i Akimoni ka tagane.

33A sa daunivakasala ni tui ko Eitofeli, ka sa nona i tau na tui ko Usai na Arikaiti.

34Ai karua kei Eitofeli ko Jioiata na luve i Penaia ka tagane, kei Epaiaca. A sa turaga-ni-valu levu ko Joape e na nona mataivalu na tui.