1A sa toro mai na siga me mate kina ko Tevita, ka sa tatau vei Solomoni na luvena, ka kaya,
2“Au sa vakarau lako e na sala era lako kina ko ira kecega na kai vuravura. Mo kaukauwa ka vakaraitaka ni ko tagane,
3ka vakabauta na ka sa vakarota ko Jiova na nomu Kalou, mo lako e na nona sala, mo vakabauta na ka e lesia ko koya, na ka e vunautaka, kei na ka e lewa ko koya, kei na ka e tukuna mai ko koya, me vaka sa volai e na vunau i Mosese, mo vinaka kina e na ka kecega ko na cakava, kei na ka kecega ko na goleva,
4me vakataudeitaka kina ko Jiova na nona vosa ka cavuta me baleti au, ni sa kaya, ‘Kevaka ena raica vinaka na nodra i valavala ko ira na luvemu, me ra lako e mataqu e na yalodina, e na lomadra taucoko, kei na vu ni yalodra taucoko, sa kaya ko koya, ena sega ni mudu vei iko na tamata me veisosomitaki e nai tikotiko vakaturaga ni Isireli.’
5 2Samu 3.27; 20.10 “Ia ko sa kila talega na ka sa kitaka vei au ko Joape na luve i Seruwaia, io, na ka e kitaka vei rau na kavetani ni valu ni Isireli, vei Epineri na luve i Neri kei Amasa na luve i Jica, oi rau ka vakamatea ko koya, ka vakadave-dra e na gauna ni sautu ni sa sega ni ia nai valu, ka boroya e na dra ni valu na nona i vau ni sulu sa vau kina na tolona, kei na nona i vava sa vakaivava kina.
6Ia mo kitaka ga me vaka na nomu vakatulewa vuku, ka kua ni laiva na uluna sa sika me lako sobu e na vakacegu ki nai bulubulu.
72Samu 17.27-29Ia mo caka vinaka vei iratou na luve i Pasiliai na kai Kiliati, ka me ratou tiko kei ira era kana mai na nomu tepeli, ni ratou sa lako vakakina mai vei au ni'u a dro e na vuku i Apisalome na tuakamu.
82Samu 16.5-13; 19.16-23Ka raica, sa tiko vata kei iko ko Semeai na luve i Kira, na Penijamini na kai Peurimi, o koya ka rukaki au vakaca sara e na siga ka'u a lako kina ki Meeneimi. A sa lako sobu ko koya me tavaki au mai na Joritani, ia ka'u a bubului vua e na yaca i Jiova, ka kaya, ‘Au na sega ni vakamatei iko e nai seleiwau.’
9Ia oqo, mo kakua ni vakadonui koya, ni ko sa tamata vuku ko iko. Ko na kila na ka mo cakava vua, ka mo kauta sobu na uluna sa sika e na dra ki nai bulubulu.”
Na Mate i Tevita10A sa qai moce vata kei ira na nona qase ko Tevita, ka sa bulu e na koro i Tevita.
112Samu 5.4,5; 1Vei 3.4Ia na gauna sa tui kina ko Tevita vei ira na Isireli e vasagavulu na yabaki. A sa tui mai Epironi ka yabaki vitu, ka sa tui mai Jerusalemi ka yabaki tolusagavulu ka tolu.
121Vei 29.23Sa qai tiko ko Solomoni e nai tikotiko vakaturaga nei Tevita na tamana, ka sa vakataudeitaki sara na nona matanitu.
Sa Vakataudeitaki Koya ko Solomoni na Tui13A sa lako ko Atonaija na luve i Akici kivei Pacisepa na tina i Solomoni. A sa kaya ko koya, “O sa lako vakavinaka mai, se segai?” A sa kaya ko koya, “Au sa lako vakavinaka mai.”
14Sa kaya talega ko koya, “Sa dua na ka me'u vosa kina vei iko.” A sa kaya ko koya, “Mo vosa mai.”
15Sa qai kaya ko koya, “Ko sa kila ni sa noqu eliu na matanitu, ka ni ra sa golevi au na Isireli kecega me'u tui. Ia sa qai vuki ga na matanitu, ka sa yaco me nona na taciqu, ni sa nona ga mai vei Jiova.
16Ia oqo, sa dua bauga na ka ka'u sa kerea vei iko; mo kakua ni bureitaka vei au.” A sa kaya vua ko koya, “Mo tukuna mai.”
171Tui 1.3,4A sa kaya ko koya, “Mo vosa mada vei Solomoni na tui, ni na sega ni bureitaka vei iko, me soli Avisaki vei au, o koya na yalewa ni Sunemi, me watiqu.”
18A sa kaya ko Pacisepa, “Sa vinaka; au na vosa vua na tui e na vukumu.”
19A sa lako ko Pacisepa vua na tui ko Solomoni, me vosa vua e na vuku i Atonaija. A sa tucake na tui me la'ki tavaki koya, ka sa cuva vua, ka sa tiko sobu e nona i tikotiko vakaturaga, ka sa vakatura e dua nai dabedabe me dabe kina na tinana na tui, ka sa qai dabe ko koya ki na ligana i matau.
20A sa kaya ko koya, “Au sa kerea e dua na ka lailai vei iko; mo kakua ni bureitaka vei au.” A sa kaya vua ko koya na tui, “Mo kerea ga, na tinaqu; ni'u na sega ni bureitaka vei iko.”
21A sa kaya ko koya, “Me soli ko Avisaki na yalewa ni Sunemi kivei Atonaija na tuakamu me watina.”
22A sa vosa na tui ko Solomoni, ka kaya vei tinana, “Ia ka cava na vuna ko sa kerei Avisaki kina na yalewa ni Sunemi me nei Atonaija? Mo kerea talega me nona na matanitu! Ni sa tuakaqu ko koya; io, me nona, ka nei Epaiaca na bete, ka nei Joape na luve i Seruwaia!”
23A sa qai bubului ko Solomoni na tui e na yaca i Jiova, ka kaya, “Me cakacaka vakakina vei au na Kalou, ka vakaikuritaka, kevaka sa sega ni mate ko Atonaija, ni sa qai vosataka na vosa oqo!
24Ia oqo, me vaka sa bula ko Jiova, o koya ka vakataudeitaki au ka vakatikori au e nai tikotiko vakaturaga i Tevita na tamaqu, ka sa vakayacori au me dua na vale vakatui me vaka sa yalataka ko koya, ena mate edaidai ko Atonaija.”
25A sa talai Penaia na luve i Jioiata kina ko Solomoni na tui, ka sa mokuti koya, ka sa mate ko koya.
Sa Vakatalai Tani ko Epaiaca ka Vakamatei ko Joape26 1Samu 22.20-23; 2Samu 15.24 A sa kaya na tui vei Epaiaca na bete, “Mo lako tani ki Anacoci, ki na nomu vanua, ni sa dodonu mo mate. Ia ka'u na sega ni vakamatei iko edaidai, ni ko a kauta voli na kato ni Turaga ko Jiova e na mata i Tevita na tamaqu, ka ni ko a vakararawataki e na ka kecega ka vakararawataki kina ko tamaqu.”
271Samu 2.27-36A sa vakasevi Epaiaca ko Solomoni me kakua ni bete tiko vei Jiova; me vakayacori kina na vosa i Jiova, ka vosataka e na vuku ni vuvale i Ilai mai Sailo.
28Ni sa yaco yani vei Joape na kenai tukutuku—ni a dautokoni Atonaija ko Joape ka sega ga ni a tokoni Apisalome—a sa dro ko Joape ki na Vale tabu i Jiova ka la'ki taura vakaukauwa tu na tutuna sa balavu cake e nai cabocabo-ni-soro.
29Ni sa tukuni vei Solomoni na tui vakaoqo, “Sa dro ko Joape ki na Vale tabu i Jiova, ka raica, sa tiko mai nai cabocabo-ni-soro,” a sa qai talai Penaia na luve i Jioiata ko Solomoni, ka sa kaya, “Lako, ka la'ki mokuti koya mate.”
30A sa lako ki na Vale i Jiova ko Penaia, ka kaya vua, “Sa vosa vakaoqo na tui, ‘Mo curu mai ki tuba.’ ” A sa kaya ko koya, “E segai; au na mate ga eke.” A sa kauta tale na vosa vua na tui ko Penaia, ka kaya, “Sa kaya vaka ka vaka vei au ko Joape.”
31A sa kaya vua ko koya na tui, “Mo cakava me vaka ka kaya ko koya, ka mo mokuti koya, ka buluti koya, ka mo kauta tani kina vei au kei na lewe-ni-vuvale i tamaqu na dra sa sega ni cala sa vakadavea ko Joape.
32Ia e na tauca ko Jiova ki na uluna na nona dra; ni sa mokuta ko koya e lewe rua na tamata erau yalododonu ka vinaka cake sara mai vei koya, ka vakamatei rau e nai seleiwau, ka sa sega ni kila ko Tevita na tamaqu; io oqori koi rau ko Epineri na luve i Neri, na kavetani ni nodra i valu na Isireli, kei Amasa na luve i Jica, na kavetani ni nodra i valu na Juta.
33Ia na kedrau dra e na baleti Joape, kei na nona kawa ka tawa mudu. Ia ena tiko na vakacegu mai vei Jiova, vei Tevita, kei na nona kawa, kei na nona vale, kei na nona i tikotiko vakaturaga, ka sega ni mudu.”
34A sa qai lako cake ko Penaia na luve i Jioiata, ka mokuti koya mate; ka sa bulu ko koya e na nona vale ka volekata na vanua lala.
35A sa lesi Penaia na luve i Jioiata ko koya na tui me kenai sosomi me liutaki ira na mataivalu, ka sa lesi Setoki na bete ko koya na tui mei sosomi kei Epaiaca.
Na Mate nei Semeai36A sa talaki na tui me kacivi Semeai, ka sa kaya vua, “Mo tara e Jerusalemi e dua na nomu vale mo tiko kina, ka kakua sara ni ko lako tani mai kea ki na dua tale na vanua.
37E na siga ga ko sa lako tani kina ka takosova na uciwai ko Kitironi, mo kila deivaki sara ni ko na mate vakaidina. Ena baleti iko ga na nomu mate.”
38A sa kaya vua na tui ko Semeai, “Sa vinaka na vosa oqori; koi au na nomuni tamata au na cakava me vaka sa kaya na noqu turaga na tui.” A sa bula voli kina mai Jerusalemi ko Semeai me vuqa na siga.
39Ia ni sa oti e tolu na yabaki, sa qai dro e le rua na nona tamata ko Semeai ki vua na tui Kaca ko Akisa, na luve i Meeka. A sa tukuni vakaoqo vei Semeai, “Raica, sa tiko mai Kaca koi rau ruarua na nomu tamata,”
40ka sa ia ko Semeai, ka vauca nai vodovodo ki na nona asa, ka lako ki Kaca kivei Akisa, me vakasaqarai rau na nona tamata. A sa lako ko Semeai ka kauti rau lesu mai na nona tamata mai Kaca.
41Ni sa tukuni oqo vei Solomoni ni sa lako ko Semeai mai Jerusalemi ki Kaca, ka lesu tale mai,
42a sa talaki na tui me kacivi Semeai, ka sa kaya vua, “Au a sega beka ni vakabubuluitaki iko e na yaca i Jiova, ka vakarota vei iko, ka kaya, ‘Mo kila deivaki ni ko na mate vakaidina e na siga ko sa lako tani kina, ka lako yani ki na dua tale na vanua?’ Ia ko a kaya vei au, ‘Sa vinaka na vosa ka'u sa rogoca; au na vakayacora.’
43Ia ka cava ko sa sega ni maroroya kina na nomu vosa-bubului vei Jiova, kei nai vakaro ka'u a vakarota vei iko?”
44Sa kaya talega vei Semeai ko koya na tui, “O sa kila e vu ni yalomu na ka ca kecega ko a kitaka vei Tevita na tamaqu. O koya oqo ena kauta lesu mai kina ko Jiova na nomu ca ki na ulumu.
45Ia ena kalougata ko Solomoni na tui, ka na vakataudeitaki e na mata i Jiova nai tikotiko vakaturaga i Tevita, ka tawa mudu.”
46A sa qai vakarota ko koya na tui vei Penaia na luve i Jioiata, ka sa curu yani ko koya, ka mokuti koya mate.
A sa vakataudeitaki kina na matanitu e na liga i Solomoni.
Who We AreWhat We EelieveWhat We Do
2025 by iamachristian.org,Inc All rights reserved.
