1 Joni 1 - Ai Vola Tabu (Vakadewa Makawa Vakavoutaki 2021)（FRV21）

Na Vosa ni Bula

1 Joni 1.1 Ko koya sa tu mai nai vakatekivu, o koya keitou a rogoca, o koya keitou a raica e na mata i keitou, o koya keitou a vakaraica sara, ia ka tara na liga i keitou, e na vuku ni Vosa ni bula—

2Joni 1.14ka sa vakaraitaki na vu-ni-bula, ka keitou a raica, ka dautukuna, ka vakatakila vei kemudou na vu-ni-bula tawa mudu, o koya ka tiko vata kei Tamana, ka sa qai vakaraitaki mai vei keda—

3o koya keitou a raica ka rogoca, keitou sa tukuna vei kemudou, mo dou veiwekani kina kei keitou; ia keitou sa veiwekani kina kei na Tamada, kei na Luvena ko Jisu Karisito.

4Ia keitou sa vola na veika oqo vei kemudou, me vakataucokotaki sara kina na nomudou reki.

Sa Rarama na Kalou

5Ia oqo nai tukutuku keitou a rogoca mai vei koya, a sa tukuna vei kemudou, ni sa rarama na Kalou ka sa sega sara vei koya na butobuto.

6Kevaka eda sa kaya ni da sa veitokani kaya, ka da sa ia nai valavala butobuto, eda sa lasu ga, ka sa sega ni kitaka na ka dodonu.

7Ia kevaka eda sa lako voli e na rarama, me vaka sa tu e na rarama ko koya, eda sa qai veitokani vata, ka sa vakasavasavataki keda mai na ca kecega na dra i Jisu Karisito na Luvena.

8Kevaka eda kaya ni sa sega na noda i valavala ca, eda sa vakaisini keda ga, ka sa sega ni tu vei keda na dina.

9Kevaka eda sa vakatusa na noda i valavala ca, sa yalodina ka yalododonu ko koya me vosota na noda i valavala ca, ka vakasavasavataki keda mai na ka kecega sa sega ni dodonu.

10Kevaka eda sa kaya eda a sega ni valavala ca, eda sa vakalasui koya, ka sa sega ni tu vei keda na nona vosa.