1A sa moce vata kei ira na nona qase ko Josefati, ka sa bulu vata kei ira na nona qase e na koro i Tevita. A sa lewa ko Jiorami na luvena, me kenai sosomi.
2Ka sa so na tacina na luve i Josefati, ko Asaraia, kei Jieli, kei Sakaraia, kei Asaraia, kei Maikeli, kei Sefataia; ko iratou kece oqo ka tagane eratou sa luve i Josefati na tui Isireli.
3A sa solia vei iratou ko tamadratou nai solisoli levu, na siliva, kei na koula, kei na ka talei eso, kei na veikoro vakabai eso e Juta; ia sa solia na matanitu kivei Jiorami, ni sa ulumatua ko koya.
4Ia ni sa tubu cake ko Jiorami me nona na matanitu i tamana, sa vakaukauwataki koya, ka sa vakamatei iratou kecega na tacina e nai seleiwau, ka so tale vei ira na turaga ni Isireli.
5Sa tolusagavulu ka rua na nona yabaki ko Jiorami ni sa buli me tui, a sa lewa tiko e Jerusalemi ka yabaki walu.
6Ka sa muria na nodra i valavala na tui Isireli, me vaka sa kitaka na vale i Eapi, ni sa vakawati kei na luve i Eapi. A sa caka ca ko koya e na mata i Jiova.
71Tui 11.36Ia sa sega ni via vakarusa na vale i Tevita ko Jiova e na vuku ni veiyalayalati sa kitaka ko koya kei Tevita, ka vaka na nona vosa ni yalayala me solia vua na cina, vei ira talega na luvena ka tawa mudu.
Era Vuki Tani na Kai Itomi8 Vteki 27.40 Sa vuki ko ira na kai Itomi e na nona gauna, me ra kakua ni qali kivei ira na Juta, a ra sa bulia e dua me nodra tui.
9Ka ra sa lako vata yani ko Jiorami kei ira na nona tamata turaga, kei na nona qiqi-ni-valu kecega; a sa tucake e na bogi, ka yaviti ira na kai Itomi era sa vakavolivoliti koya, kei ira na turaga ni qiqi-ni-valu.
10A sa vuki ko ira na kai Itomi me ra kakua ni qali kivei ira na Juta, ka yacova na siga edaidai. Sa qai vuki talega e na gauna ko ya me kakua ni qali vei koya ko Lipina; ni sa biuti Jiova ko koya, na Kalou ni nona qase.
Nai Vola i Ilaijia na Parofita11Sa cakava talega na veitikina cecere e na vanua veiulunivanua e Juta, a sa vakauqeti ira na kai Jerusalemi me ra kitaka nai valavala vakatani, ka vakasaurarataki ira kina na Juta.
12A sa kau vua e dua nai vola mai vei Ilaijia na parofita, ka vaka, “Sa vosa vakaoqo ko Jiova na Kalou i Tevita na tamamuni, ‘Ni ko sa sega ni muria nai valavala i Josefati na tamamuni, se nai valavala i Esa na tui Juta,
13ia kemuni sa muria ga na nodra i valavala na tui Isireli, ka ko ni a vakauqeti ira na Juta kei ira na kai Jerusalemi me ra kitaka nai valavala vakatani, me vaka na nodra i valavala vakatani na vale i Eapi, ka ko ni sa vakamatei iratou talega na tacimu ka ra lewe ni vuvale i tamamuni, eratou tamata vinaka ka ca koi kemuni,
14raica, ena yaviti ira na nomuni tamata ko Jiova e na mate levu, kei iratou na luvemuni, kei iratou na watimuni, kei na nomuni ka kecega,
15ia e dua na mate levu ena tauva na ketemuni, ia ena lutu tani mai kina na wawa ni ketemuni e na vuku ni mate ko ya e na veisiga.’ ”
16Sa vakauqeta talega ko Jiova na lomadra na kai Filisitia, kei na kai Arapea, era sa tiko voleka vei ira na kai Eciopea, me ra veivala kei Jiorami.
17A ra sa cabe mai ki Juta, ka basuraka, a ra sa kauta tani nai yau kecega sa kune e na vale-ni-tui, kei iratou talega na luvena tagane, kei iratou na watina; ka sega kina ni vo vua e dua na luvena tagane, ko Jioaasi duaduaga, ko koya sa gone vei iratou na luvena.
Nai Cavacava ni Bula i Jiorami18A sa oti na ka kecega oqo, sa qai vakatubu mate vua ko Jiova, sa tauva na ketena ka sa sega ni vakabulai rawa.
19Ia sa lako tu na veisiga, ka oti e rua na yabaki, sa qai lutu mai ki sau na wawa ni ketena e na vuku ni mate oqo, ka sa mate kina e na mate rarawa. A ra sa sega ni cakava ko ira na nona tamata na kama e na vukuna, me vaka na kama e na vukudra na nona qase.
20E tolusagavulu ka rua na nona yabaki ni sa buli me tui, a sa lewa tiko mai Jerusalemi ka yabaki walu, ka sa mate ka sega e dua sa tagicaka. A sa bulu e na koro i Tevita, ia ka segai e na nodra i bulubulu na tui.
Who We AreWhat We EelieveWhat We Do
2025 by iamachristian.org,Inc All rights reserved.
