Luke 15 - Ai Vola Tabu (Vakadewa Makawa Vakavoutaki 2021)（FRV21）

Na Sipi ka a Yali(Maciu 18.12-14)

1 Na Tiki ni Siliva ka a Yali

8 “Se ko cei na yalewa sa tini na nona tiki ni siliva, kevaka sa vakayalia e dua na tikina, sa sega beka ni tutuvaka na cina, ka taviraka na vale, ka vakasaqara matua, me kunea mada?

9Ia ni sa kunea, sa kacivi ira vata na wekana kei na lewe ni koro, ka kaya, ‘Tou mai reki vata, ni’u sa kunea na tikina ka’u a vakayalia.’

10Au sa kaya vei kemudou, sa tubu vakakina na reki e na matadra na agilosi ni Kalou, e na vuku ni tamata i valavala ca e le dua bauga sa qai veivutuni.”

Na Cauravou ka a Yali

11Sa kaya tale ko koya, “E dua na tamata sa lewe rua na luvena-tagane.

12Ka sa kaya vei tamana ko koya sa gone vei rau, ‘I Tamaqu, solia mai vei au nai votavota ni yau sa vota me noqu.’ A sa vota vei rau nai yau.

13A sa bogi vica mada, sa qai kumuna vata na ka kecega na gone, ka lako tani ki na dua na vanua vakayawa, ka sa vakayalia kina na nona i yau e nai valavala vakamarau ca.

14Ia ni sa vakaotia kece, sa qai tubu na dausiga levu e na vanua ko ya; a sa qai dravudravua sara ko koya.

15A sa laki tiko kei na dua na lewe-ni-vanua ko ya; a sa talai koya ki na nona veiwere me vakani ira na vuaka.

16A sa garova na qana era daukania na vuaka, me mamau kina na ketena; a sa sega e dua sa vakani koya.

17 “Ia ni sa kila yalona tale, sa kaya, ‘Sa le vuqa na tamata nei tamaqu sa voli na nodra cakacaka, era sa mamau e na madrai ka vo tu yani, ia koi au ka’u sa mate e na viakana!

18Au na ia, ka lako vei tamaqu, ka’u na kaya vua, “Tamaqu, au sai valavala ca ki lomalagi, vei kemuni talega,

19ka’u sa sega kina ni yaga me’u vakatokai tale me luvemuni. Lesi au me’u vakataka e dua na nomuni tamata sa voli na nona cakacaka.” ’

20A sa ia, ka lako vei tamana. Ia ni sa yawa sara, sa raici koya ko tamana, a sa lomana, ka cici, ka mokota, ka reguca.

21A sa kaya na luvena kivei koya, ‘I Tamaqu, au sai valavala ca ki lomalagi, vei kemuni talega, ka’u sa sega kina ni yaga me’u vakatokai tale me luvemuni.’

22A sa kaya na tamana vei ira na nona tamata, ‘Totolo, dou kauta mai nai sulu vinaka sara—ka vakasulumi koya; dou daramaka talega na mama ki ligana, kei nai vava ki yavana.

23Ka dou kauta mai na luve ni bulumakau sa uro, ka vakamatea, ka me datou kana ka marau;

24ni sa mate na luvequ oqo ka sa qai bula tale; sa yali ka sa qai kune tale!’ Ka ra sa vakatekivu me ra marau.

25 “A sa tiko e na were na luvena ka qase vei rau; ia ni sa tale mai ka toro voleka ki vale, sa rogoca sara na bitu-ni-vakatagi kei na meke.

26A sa kaciva e dua vei ira na tamata, ka taroga na kenai balebale ni ka oqo.

27A sa kaya vua ko koya, ‘Sa lesu tale mai na tacimu, ka sa vakamatea ko tamamu na luve ni bulumakau sa uro, e na vuku ni rau sa veikune tale ka sa bula vinaka.’

28A sa qai cudru ko koya, ka bese ni curu. Sa qai lako mai kina ki tautuba ko tamana, ka vakamasuta.

29Ia sa qai vosa ko koya ka kaya vei tamana, ‘Raica, e na veiyabaki e vuqa oqo ka’u sa dauqaravi iko kina, ka’u a sega vakadua ni talaidredre ki na nomu vosa, ia ko a sega vakadua ni bau solia vei au e dua na luve ni me, ka me keitou marau vata kina kei ira na noqu i tokani.

30Ia ni sa lako mai na luvemu oqo, ko koya sa vakaotia na nomu i yau vei ira na yalewa dautagane, ko sa qai vakamatea me kena na luve ni bulumakau sa uro!’

31Ka sa qai kaya vua ko koya, ‘Na luvequ, ko sa dautiko vata voli ga kei au, ka veika kecega sa tu vei au sa nomu.

32Ia sa dodonu ga me da reki ka marau, ni sa mate na tacimu oqo ka sa qai bula tale; sa yali ka sa qai kune tale.’ ”