1Au na vakavinavinaka vei Jiova e na gauna kecega;
ena tikotiko ga e na gusuqu na vakamolimoli vua.
2Ena marautaki Jiova na yaloqu;
ena rogoca ko ira na yalomalumalumu ka reki kina.
3Tou mai vakacaucautaka na yaca i Jiova,
ia me da doka vata na yacana.
4Au a vakasaqarai Jiova, ka sa rogoci au,
ka sa vakabulai au mai na noqu rere kecega.
5Era sa ta cake vua, ka ra sa vakararamataki;
ka sa sega ni madua na matadra.
6Sa tagi na tamata dravudravua oqo, ka sa vakarorogo ko Jiova,
ka vakabulai koya mai na nona rarawa kecega.
7Na agilosi i Jiova, sa tiko vakavolivoliti ira
era sa rerevaki koya, ka sa vakabulai ira.
8 1Pita 2.3 Dou tovolea mada ka raica ni sa yalovinaka ko Jiova;
sa kalougata na tamata sa vakararavi vua.
9Dou rerevaki Jiova, koi kemudou na nona tamata yalosavasava,
ni sa sega na ka me yali vei ira era sa rerevaki koya.
10Era sa dravudravua na luve ni laione, ka viakana,
ia ena sega na ka vinaka me yali vei ira era sa vakasaqarai Jiova.
11Dou lako mai ragone, ka vakarorogo mai vei au;
ka'u na vakavulici kemudou mo dou rerevaki Jiova.
12 1Pita 3.10-12 O cei na tamata sa vinakata na bula,
ka sa via raica na veisiga vinaka?
13Tarova na yamemu mai na ca,
kei na tebenigusumu me kakua ni vosataka na ka lasu.
14Gole tani mai na ca, ka kitaka na ka vinaka;
qara na veivinakati, ka muria sara.
15Sa dauvakaraici ira na tamata yalododonu ko Jiova,
ka sa qara tu na daligana ki na nodra masu.
16Sa duatani na mata i Jiova vei ira sai valavala ca,
me bokoca laivi e vuravura na kedrai vakananumi.
17Era sa tagi na yalododonu, a sa rogoca ko Jiova,
ka sa vakabulai ira mai na nodra rarawa kecega.
18Sa voleka ko Jiova vei ira sa kavoro na utodra,
ka sa vakabulai ira sa vorolaki na yalodra.
19Sa levu na ka rarawa sa yaco vua na yalododonu,
ia sa vakabulai koya ko Jiova mai na ka kecega.
20 Joni 19.36 Sa maroroya kecega na suina;
sa sega e dua sa musulaki.
21Ena vakamatei ira na tamata ca na ka ca,
era na vakacalai ko ira sa cati koya na yalododonu.
22Sa vakabula na yalodra na nona tamata ko Jiova;
ia ena sega ni vakacalai e dua vei ira sa vakararavi vua.
Who We AreWhat We EelieveWhat We Do
2025 by iamachristian.org,Inc All rights reserved.
