2 Tui Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaSa vakuri tikoga ena i Karua ni Kedra i Vola na Tui na kedra i tukutuku na tui ni rua na nodra matanitu na Isireli, ena vanua a mai cava kina nai Matai ni Tui. E rawa ni wase ga vakarua nai vola oqo: (1) Nai tukutuku ni matanitu e rua, tekivu ena veimama ni kaciwa ni yabaki drau ni bera na gauna i Karisito ka kauta mai ki na rawai kei Samaria ena i yalayala ni matanitu mai na vualiku, ena yabaki 722 ni bera ni sucu na Karisito (BSK); (2) Nai tukutuku ni matanitu ko Juta, me tekivu mai na tawase ni matanitu ko Isireli me yacova ni a rawai Jerusalemi ka vakarusa ko Nepukanesa na tui Papiloni, ena yabaki 586 BSK. A mai tini nai vola ena i tukutuku kei Ketalaia na Kovana e Juta ka lesi mai Papiloni, kei na sereki nei Jioakini na Tui Juta ena valeniveivesu mai Papiloni.A kune rarawa na vanua raraba ni ra a sega ni yalodina na tui kei ira na nodra tamata mai Isireli kei Juta. A sa dua na veisau levu ena kedra i tukutuku na Isireli a yaco ni a vakarusai ko Jerusalemi ka ra bobula e vuqa na kai Juta.A vakairogorogo ena i Karua ni Kedra i Vola na Tui na parofita ka i sosomi kei Ilaijia, ko ya ko Ilaisa.Na Lewe ni VolaSa tawase rua na matanitu 1.1—17.41

a. Ko Ilaisa na parofita 1.1—8.15

b. Ko ira na Tui Juta kei na Tui Isireli 8.16—17.4

c. Sa rawai ko Samaria 17.5-41

Na matanitu ko Juta 18.1—25.30

a. Mai vei Esekaia kivei Josaia 18.1—21.26

b. Na gauna ni lewa i Josaia 22.1—23.30

c. Ko ira nai otioti ni Tui Juta 23.31—24.20

d. Na rawai nei Jerusalemi 25.1-30