1Sa lako kivei ko koya ko sa lomana,
ko iko sa matavinaka cake vei ira na yalewa?
Sa lesu tani kivei ko koya ko sa lomana,
me datou vakasaqarai koya kei iko?
Yalewa2O koya ka'u sa lomana sa lako sobu ki na nona were,
ki na loga kau boi vinaka;
me kana e na veiwere,
ka doloka na viavia.
3Au sa nei koya ka'u sa lomana, ka sa noqu ko koya ka'u sa lomana;
sa vakania na nona qele ni sipi e loma ni viavia.
Ai Kalima ni SereTagane4Ko sa matavinaka, na wekaqu, me vakataki Tirisa,
ka rairai vinaka me vakataki Jerusalemi,
ka rerevaki me vaka na mataivalu sa vakadrotini.
5Mo vagolea tani vei au na matamu,
ni sa rawai au.
Na drau ni ulumu sa vaka na qele ni me,
sa rairai mai Kiliati.
6Na batimu sa vaka na qele ni sipi yalewa,
sa cabe cake mai nai silisili;
sa dui luvei drua yadua,
ka sa sega ni dua vei ira me sega ni vakaluveni.
7Sa vaka na tiki ni pomekaraneti na nomu kanavalavala,
sa ubi tu.
8Sa lewe onosagavulu na ranadi
ka lewe walusagavulu na watina lalai,
kei na goneyalewa sa sega ni wili rawa.
9Ia na noqu ruve, na noqu ka savasava sa dua bauga;
na luve i tinana e dua bauga,
ko koya ga na gone ni toko nei koya ka vakasucuma.
Era raici koya ko ira na goneyalewa, ka vosavakalougatataki koya;
ko ira talega na ranadi kei ira na watina lalai, a ra vakacaucautaki koya.
10“O cei ko koya sa kida mai me vaka na mataka,
sa weweli me vaka na vula, sa serau tu me vaka na mata-ni-siga,
ka rerevaki me vaka na mataivalu sa vakadrotini?”
11Au a lako sobu ki na were ni amodi,
me'u raica na vuata mai na buca,
me'u raica na veivaini se sa tubu vinaka se segai,
kei na pomekaraneti se sa kubu, se segai.
12Ni'u se bera ni kila, sa vakauqeti au na yaloqu
me'u vodo e na nodra qiqi na turaga ni noqu tamata.
Veitokani13Mo lesu mai, mo lesu mai, na Sulamaiti;
mo lesu mai, mo lesu mai, me keitou raici iko.
YalewaA cava mo dou raici koya kina na Sulamaiti,
me vaka e dua na meke e matadrau e rua na mataivalu?
Who We AreWhat We EelieveWhat We Do
2025 by iamachristian.org,Inc All rights reserved.
