1 Aisea 10.5-34; 14.24-27; Sefa 2.13-15 Na vosa ni parofisai bibi ka baleti Ninive. Oqo nai vola ni raivotu i Neumi na kai Elikosi.
Sa Ka Levu na Cudru ni Kalou2Sa Kalou vuvu ko Jiova ka sa dau veisausaumi,
sa ia na veisausaumi ko Jiova, ka sa ka levu na nona cudru;
ena ia na veisausaumi ko Jiova vei ira sa cati koya,
io, sa binia ko koya na cudru me tau vei ira na nona meca.
3Sa dauberabera ni cudru ko Jiova ka sa levu na nona kaukauwa,
ia ena sega sara ni vakadonui ira na tamata ca.
Sa dua na sala i Jiova e na covulaca kei na cava,
ia sa kena kuvu-ni-soso ni yavana na o.
4Sa vunauca na wasawasa ka sa di mai,
ia na uciwai kecega sa vakamacari talega;
sa vuca mai ko Pasani kei Kameli,
kei na senikau mai Lepanoni sa malai.
5Na veiulunivanua sa sautaninini e na vukuna,
na veiulu-ni-koro talega sa waicala;
sa tavuki talega na vanua e matana,
io ko vuravura kei ira kecega era tiko kina.
6Ko cei me tiko rawa e na mata ni nona cudru?
Ia ko cei me vosota rawa ni sa waqawaqa na nona cudru?
A nona cudru sa sovaraki yani me vaka na bukawaqa,
ia na uluvatu sa talaraka sobu ko koya.
7Sa yalovinaka ko Jiova,
sai vakaruru kaukauwa e na siga ni rarawa;
sa kilai ira era vakararavi vua.
8Ia e na dobui levu
ena vakaotia sara yani na kenai tikotiko,
ia ena muri ira na nona meca na butobuto.
9A vere cava dou sa bukia kei Jiova?
Ena vakayacora sara ko koya na kenai vakataotioti;
ena sega ni tubu vakarua na ka rarawa.
10Ia ke ra coko veidre me vaka na soni,
ka mateni sara e na waini,
era na vakamai ga me vaka na vu-ni-sila e mamaca sara.
11Sa lako mai vei iko
ko koya sa nanuma tiko na ca vei Jiova,
e dua sa vakavuvulitaka na ca.
12Sa vosa vakaoqo ko Jiova,
Ke ra kaukauwa sara, ka lewe vuqa, era na tamusuki sobu ga,
ka na lako tani yani ko koya.
E dina ni ka'u a vakararawataki iko,
ia ka'u na sega ni vakararawataki iko tale.
13Ni'u na qai musuka tani vei iko na nona i vua,
ka vakacavukataka na kemui vesu.
14Sa vakarota vakaoqo e na vukumu ko Jiova:
Me kakua sara ni tubu tale e dua na nomu kawa;
ka'u na muduka tani mai na nomu burekalou
na matakau ceuceu kei na matakau e vakawaicalataki.
Ka'u na cakava na nomu i bulubulu, ni ko sa velavela.
15 Aisea 52.7 Raica e na ulunivanua na yava i koya
sa kauta mai nai tukutuku vinaka,
sa vakarogoya voli na sautu!
Ko iko Juta, mo ia na nomu solevu tabu,
ka vakayacora na nomu bubului;
ni na sega tale ni lako voli yani vei iko na tamata ca;
sa muduki laivi sara ko koya.
Who We AreWhat We EelieveWhat We Do
2025 by iamachristian.org,Inc All rights reserved.
