1Sa nei koya na tamata me vakarautaka na lomana,
ia sa vu mai vei Jiova na vosa me kaya mai.
2A nona i valavala kecega na tamata sa savasava e matana,
ia sa vakatovolea na yalo ko Jiova.
3Mo vakararavitaka vei Jiova na nomu cakacaka,
ena vakataudeitaki kina nai naki ni lomamu.
4Sa cakava na ka kecega ko Jiova me nona,
io, na tamata ca talega ki na siga ca.
5Sa ka vakasisila vei Jiova ko ira yadua sa viavialevu,
ke ra veitauri liga era na sega ni dro bula rawa mai na cudruvi.
6E na yalololoma kei na dina sa savata tani kina na caka cala,
ia e na rerevaki Jiova ga sa ra dro tani kina na tamata mai na ca.
7Ni sa vinaka vei Jiova nai valavala ni tamata,
sa lewai ira na nona meca me ra veivinakati kaya.
8Sa vinaka na ka lailai kei na yalododonu,
ka ca nai yau levu ni sa yali nai valavala dodonu.
9A loma ni tamata sa vakananuma na nona sala,
ia ko Jiova ga sa lewa na nona i lakolako.
10A vosa vakaturaga sa tu e na gusuna na tui:;
ni sa lewa sa sega ni cala na gusuna.
11A vatu ni bibi kei nai vakarau ni bibi e dodonu sa nei Jiova;
sa nona cakacaka na vatu bibi kecega e na taga.
12A ka era vakasisila kina na tui ni ra sai valavala ca,
ni sa vakataudeitaki nai tikotiko vakaturaga e na cakacaka dodonu ga.
13A ka era sa vinakata ko ira na tui na tebenigusu sa vosa vakadodonu,
ka ra sa lomani koya sa vosa vakadodonu ga.
14A cudru ni tui sa vakataki ira nai talaki ni mate,
ia na tamata vuku ena vakamalumalumutaka.
15E na rarama ni matana na tui sa tu na bula,
kei na nona yalovinaka sa vaka na o ni uca taumuri.
16Na kena vinaka me rawata na vuku, ka ca me rawata na koula!
Kei na rawata na yalomatua sa ka me digitaki, ia na rawata na siliva e sega ni vakakina.
17Sa nona salatu na yalododonu me lako tani mai na ca;
sa maroroya na yalona ko koya sa raica vinaka na nona sala.
18Sa liu na viavialevu, ia sa muri na rusa,
a sa liu na yaloviavialevu ia sa muri na bale.
19E vinaka me tiko na yalomalumalumu kei ira na yalomalua,
ka ca ni vakaivotavota vata kei ira na viavialevu e nai toki-ni-valu.
20O koya sa lewa vakavinaka na ka, ena kune ka vinaka,
kei koya sa vakararavi vei Jiova, sa na kalougata ga.
21O koya sa lomavuku ena vakatokai me yalomatua,
ia ni sa kamikamica na tebenigusu, sa na tubu kina na ka e vakavulici.
22Sai vurevure ni wai bula na yalovuku vua sa taukena,
ia na nodra i vakavuvuli na lialia sa ka lialia ga.
23A lomana na vuku sa vakavukuya na gusuna,
ka sa kuria nai vakavuvuli ni tebenigusuna.
24A vosa vinaka sa vaka na qa-ni-oni,
sa ka kamikamica ki na yalo, ka sa bula kina na sui.
25 Vbale 14.12 Sa dua na sala sa rairai dodonu vua na tamata,
ia na kenai tinitini na sala ga ni mate.
26O koya sa cakacaka sa cakacaka e na vukuna ga;
ni sa garova na ka vua na gusuna.
27O koya sa yalo ca sa dau kelia na ca,
ka sa vaka e tu e na tebenigusuna na bukawaqa.
28A tamata yalovakatani sa kaburaka na veileti,
kei koya na daukakase sa tawasei ira era veiwekani dina.
29A tamata i valavala kaukauwa sa vecea na kai nona,
ka sa tubera e na sala e sega ni vinaka.
30O koya sa bobo mata-i-dua e matana sa vakasamataka na ka vakatani;
kei koya sa yavalata na tebenigusuna sa vakayacora na ca.
31Ai sala vakaiukuuku na ulu sika,
ni sa kune e na sala ni valavala dodonu.
32Sa vinaka cake ko koya sa berabera ni cudru ka ca na tamata qaqa,
ko koya talega sa lewa na yalona vei koya sa kaba e dua na koro.
33Sa ia na vakawiri madigi,
ia sa mai vei Jiova duaduaga na kena lewa.
Who We AreWhat We EelieveWhat We Do
2025 by iamachristian.org,Inc All rights reserved.
