Vakarua 17 - Ai Vola Tabu (Vakadewa Makawa Vakavoutaki 2021)（FRV21）

1“Mo ni kakua ni vakacabora mei soro vei Jiova na nomuni Kalou na bulumakau se na sipi sa ca e dua na tikina, se sa tauvi mate; ni sa ka vakasisila oqori vei Jiova na nomuni Kalou.

2“Kevaka sa kune vei kemuni, e na dua na nomuni loma ni koro sa solia vei kemuni ko Jiova na nomuni Kalou, e dua na tagane se dua na yalewa sa caka ca e na mata i Jiova na nomuni Kalou, ni sa vakacataka na nona veiyalayalati

3Lako 22.20ni sa la'ki qarava eso na kalou tani ka cuva kina—se na mata-ni-siga, se na vula, se dua na kalokalo mai lomalagi, na ka ka'u sa vunautaka me kakua—

4ka sa tukuni oqo vei kemuni ka ko ni sa rogoca, mo ni qai vakatarotaroga vakavinaka; ia, kevaka sa dina, ka sa vakadinadinataki, ni sa caka mai Isireli na ka vakasisila oqo,

5mo ni na qai kauta mai na tagane ko ya, se na yalewa ko ya, sa kitaka na ka ca oqori ki na nomuni matamata-ni-koro, io na tagane ko ya se na yalewa ko ya, ka vakavirika e na vatu, me mate kina.

6Tiko 35.30; Vrua 19.15; Maciu 18.16; 2Kori 13.1; 1Timo 5.19; Ipe 10.28O koya sa dodonu me mate, ena vakamatei ga ni sa vakadinadina e lewe rua se lewe tolu na tamata era kila; ena sega ni vakamatei ko koya ni sa vakadinadina e dua ga na tamata.

71Kori 5.13Na ligadra nai vakadinadina ena yaviti koya taumada me mate kina, ka na yaviti koya e muri na ligadra na tamata kecega. Ko ni na vakaotia kina na ca mai na kemuni maliwa.

Na Vakatulewa Vakalawa ni Bete kei na Turaganilewa

8“Kevaka sa yaco e dua na ka e dredre mo ni lewa kina se ka e na vuku ni veivakamatei, se ka e veiletitaki, se na veiraravui—e dua ga na ka e veiletitaki e na nomuni lomanibai—mo ni qai tu cake ka lako ki na yasana sa lesia ko Jiova na nomuni Kalou.

9Ia mo ni lako vei ira na bete na luve i Livai kei na turaganilewa e na gauna ko ya, ka taroga; era na vakatakila vei kemuni na ka e lewai me caka.

10Ia ko ni na qai kitaka me vaka na lewa era na vakatakila vei kemuni ko ira e na yasana ko ya sa lesia ko Jiova. Ia ko ni na kitaka me vaka na ka kecega era sa vakavulica vei kemuni.

11Me vaka na vunau era sa vakavulica vei kemuni, ka vaka na lewa era sa tukuna vei kemuni, mo ni kitaka vakakina. Mo ni kakua ni gole tani ki nai matau se nai mawi mai na lewa era sa tukuna vei kemuni.

12Ia na tamata sa cakacaka vakaviavialevu, me kakua ni vakarorogo kina vua na bete sa tu mai kea me ia na veiqaravi e na mata i Jiova na nomuni Kalou, se vua na turaganilewa, na tamata ko ya ena mate. Ia ko ni na vakaotia kina na ca mai vei Isireli.

13A ra na rogoca na tamata kecega, ka ra na rere, ka sega tale ni cakacaka vakaviavialevu.

Nai Dusidusi Eso Baleti Ira na Tui Isireli

14 1Samu 8.5 “Ni ko ni sa yaco ki na vanua sa solia vei kemuni ko Jiova na nomuni Kalou, ka ko ni sa taukena, ka tiko kina, ka kaya, ‘Au na lesia vei au e dua na tui, me vakataki ira na veimatanitu kecega era tiko vakavolivoliti au’,

15ko ni na qai lesia vakaidina me nomuni tui, na tamata sa na digitaka ko Jiova na nomuni Kalou. Mo ni lesia e dua vei ira era wekamuni me nomuni tui. E tabu ni kemuni lesia na kai tani me lewai kemuni, o koya sa sega ni wekamuni.

161Tui 10.28; 2Vei 1.16; 9.28Ia me kakua ga ni vakalevutaka na nona ose ko koya, se vakalesui ira na tamata ki Ijipita, me levu kina na nona ose, ni sa kaya oti vei kemuni ko Jiova, ‘Mo ni kakua ni lesu tale e na sala ko ya.’

171Tui 10.14-22,27; 11.1-8; 2Vei 1.15; 9.27Ia me kakua talega ni levu na watina, me kakua kina ni gole tani na yalona; me kakua talega ni vakalevutaka sara na nona siliva kei na nona koula.

18“Ia ni sa tiko ko koya e na nona i tikotiko vakatui, me qai vola ko koya e dua nai lavelave ni vakaro oqo me nona, e matadra na bete na luve i Livai.

19Ia ena tu ga vua, ka me dauwilika ko koya e na veisiga sa bula kina, me vakavulici kina ko koya me rerevaki Jiova na nona Kalou, me vakabauta na vosa kecega ni vakaro oqo kei nai lesilesi kece oqo, ka me cakava,

20me kakua ni viavialevu kina vei ira na wekana, me kakua talega ni gole tani mai nai vakaro, ki nai matau se ki nai mawi, me balavu kina na nona bula ni sa tui ko koya, ko koya, kei iratou na luvena, e na kedra maliwa na Isireli.