Same 2 - Ai Vola Tabu (Vakadewa Makawa Vakavoutaki 2021)（FRV21）

Na Vosa ni Yalayala ni Kalou Baleta na Nona i Lumuti

1 Caka 4.25,26 A cava era sa daucudru kina na veimatanitu,

ka vakananuma na ka wale ko ira na lewe ni veivanua?

2Era sa tuvai valu na tui kei vuravura,

a ra sa bose vata ko ira na kena turaga,

me ra veivala kei Jiova, kei koya ka lumuta ko koya, a ra kaya,

3“Tou drutilaka sara na kedrau i vesu,

ka biuta tani vei keda na nodrau dali.”

4Ko koya sa tiko mai lomalagi ena dredre;

ena vakalialiai ira na Turaga.

5Ena qai vosa vei ira ko koya e na nona cudru,

ka vakararawataki ira e na nona cudru katakata, ka kaya,

6“Ia koi au ga, ka'u sa buli koya na noqu tui e na noqu ulunivanua tabu ko Saioni.”

7 Caka 13.33; Ipe 1.5; 5.5 Au na tukuna nai lesilesi;

sa kaya vei au ko Jiova, “Ko iko na luvequ;

au sa vakatuburi iko e na siga oqo.

8Kerea mai vei au, ka'u na solia na veimatanitu me nomu i votavota,

kei nai yalayala kei vuravura mo taukena.

9 Vtaki 2.26,27; 12.5; 19.15 Ko na voroki ira e nai titoko kaukamea,

ko na vorolaki ira me vaka na bilo nei koya na dautuli kuro.”

10Ia mo dou qai vuku oqo, koi kemudou na tui;

dou vakatavulici, koi kemudou na turaganilewa kei vuravura.

11Dou qaravi Jiova e na rere,

ka ia vata na reki kei na sautaninini.

12Reguca na Luvena,

de cudru ko koya, ka dou sa rusa tani mai na sala;

ni sa waqawaqa vakalailai ga na nona cudru.

Era sa kalougata ko ira kecega sa vakararavi vei koya.