M'akuri Taekan te Boki Aio - Kiribati New Version Bible

Taekan te Boki AioTe boki aei bon reitan te Euangkerio are koreaki iroun Ruka. Oin te kaantaninga iai b'a e na taekin aroia ana reirei Iesu ma ake a onimakinna ngke a kairaki iroun te Tamnei are Raoiroi ao a kabuta nako te Rongorongo ae Raoiroi are bon taekan Iesu i Ierutarem, i aon Iutaia ma Taamaria, ao i aon aaba nako. Te kaantaninga naba n te boki aei b'a e na kateretereaki aroia Kristian b'a bon tiaki taan eekaanako te tautaeka n Rom, ao e na kamatataki naba b'a te Aro ni Kristian boni kakororaoan te Aro n I-Iutaia.A kona n noraki oi n iango aika kakaokoro n te Boki aei, aika kaeti ma tataekinan taekan Iesu b'a te Rongorongo ae Raoiroi, ao a kona naba n noraki man taekan tein te ekaretia, n ai aron aikai: 1. Moan teiraken aia waaki Kristian i Ierutarem i mwin rieraken Iesu nako karawa; 2. E a tataekinaki te Euangkerio n iteran nako aoni B'aretain; ao 3. Tataekinan te Euangkerio nakoia aomata aika tiaki I-Iutaia, ni karokoa naba rokona i Rom.Te b'ai ae bati n tataekinaki n te boki aei bon taekan te Tamnei are Raoiroi are roko irouia taan onimaki i Ierutarem n tain te Bentekota, ao arona ni kaiririia ma ni kakorakoraia ekaretia ma ake a riki b'a taani kairiri iai.Oi n iango n te Boki aeiTe Katauraoi I m'ain Tataekinan te Euangkerio 1.1-26

a. Ana Kabanea ni Mwioko Iesu ao Ana Taeka n Akoi 1.1-14

e. Oneani Mwin Iuta 1.15-26

Taekinan te Rongorongo ae Raoiroi i Ierutarem 2.1—8.3

Tataekinan te Rongorongo ae Raoiroi i Iutaia ao i Taamaria 8.4—12.25

Ana m'akuri ni mitinare B'auro 13.1—28.31

a. Te moan m'ananga ni mitinare 13.1—14.28

e. Te kabowi i Ierutarem 15.1-35

i. Te kauoua ni m'ananga ni mitinare 15.36—18.22

o. Te katenua ni m'ananga ni mitinare 18.23—21.16

u. E riki b'a te bure B'auro i Ierutarem, Kaitareia, ao i Rom 21.17—28.31