1Tabeua te tai i mwiina, e karekea ana kanibuaka Abetarom ao te aoti are e na katikitikia, ao e karekeia nimangaun te m'aane aika a biribiri i moana.
2E ututi n te ingabong koraki ao e tataninga i rarikin te kawai are e nako nakon mataroan te kaawa. A bane n tootoua te kawai anne aomata ake iai tangitangiia iroun te uea, ao e butim'aia Abetarom n tatabemaniia nako ao e titirakiniia ni kaangai, “Ko nako mai ia?”
Ma ngkana a kaangai aomata, “I nako man barongan meaang,”
3Ao e kaangai Abetarom, “Nooria, a rangi n raoiroi tangitangim ma ngurengurem, ma akea ae e tauraoi n ongoraeakinna.
4I tangiria ngai b'a N na rineaki b'a te tia moti ikai! N na bon karaoa ae e eti nakoia aomata nako.”
5Ma ngaia are, a bane ni bobaraaki aomata ni kabane ake a roko ni kawara Abetarom, ao ngaia, e kanakoa baina n rab'atiia ao ni kiiti ma ngaiia.
6Ao ai anne arona nakoia Iteraera ni kabane ake a na nikiri tangiia ma ngurengureia iroun te uea. Ni karokoa a bane aomata i aon Iteraera n tangira riki Abetarom nakon Tawita.
7Aua te ririki i mwiina, e a taku Abetarom nakon Tawita, “I butiiko b'a ko na kanakoai nako Eberon. N na kakoroa bukin au berita nakon te UEA,
8ngke I maeka ngkoa ma kaain Aram i Keturi. I berita b'a N na taromauria te UEA i Eberon ngkana E kaokai nako Ierutarem.”
9Ao e kariaia Tawita, ao e a nako Abetarom nako Eberon.
10E kairiia uabubua m'aane mai Ierutarem b'a a na raonna, ma a aki ataa te b'ai ae e nang karaoia.
11E anga karea Abetarom i Eberon, ao e kanakoa ana tia iango Tawita are Aitobera b'a e na roko.
12Ao a roko riki aomata aika a m'aiti ni kaakawara Abetarom ma ni uataboa ana iango ni kam'arua.
I nanon taai akanne, e a tia ni karaba ni kanakoa te tia uarongorongo b'a e na tuangiia aomata ni kabane ni kaangai, “Ngkana kam ongo tangin te buu ao kam na bane n takaarua ni kaangai, ‘E a uea ngkai Abetarom i aon Eberon!’ ”
Kiitanakin Ierutarem Iroun Tawita13Ao e roko te tia uarongorongo ao e tuanga Tawita ni kaangai, “A bane Iteraera ni mena n ana itera Abetarom!”
14A bane ana mataniwi Tawita i Ierutarem ma Tawita, ao e tuangiia ni kaangai, “Ti a oti nako mai ikai! Ti na kawaekoa ni kiitana ikai, b'a e kaawa n aki reke birinakora mairoun Abetarom. Kawaekoa! Ane e na kawiaira ikai ngkana e kawaekoa. Ao e na tiringiira ma kaain ara kaawa ni kabane.”
15Ao a taku ana mataniwi, “Ti na karaoi b'aai ni kabane akana ko taekin.”
16Ao e katikuia buuna Tawita ake tengaun b'a a na tararua te bareti,
17ma e kairiia nako kaain ana utu ni kabane ma ana mataniwi ao ana tautia.
Ao a tei n te auti teuana ae te kabanea mai tabon te kaawa.
18E tei Tawita ikekei n taraia ana taanga ni buaka ma ana taan tararuaia ake a tabe ni m'ananga rimwiia. Taiani kabane ni kurubu bon tautia ake onobubua ake a iria mai Kata. Aia kam'anta bon Itai.
19Ao e taku Tawita nakon Itai, “Bon te iruwa ngkoe man te kaawa are Kata. Ko riai n aki kiitana am tabo kaanga ngaira. Naako oki n raona am uea!
20Ko na kangaa n irai, ao ko tuai rangi ni maan ma ngai, ngkai I tuai ataia b'a N na nakea ngai? Kairiia am tautia ao ooki. Au tataro b'a E na akoiko te UEA ma ni kakaonimaki nakoim.”
21Ao e kaeka Itai ni kaangai, “Te Uea ae ko karineaki, I tuea n aran te UEA ae e maiu, b'a N iriko n taabo nako ike ko nako iai, e ngae ngkana tao tera ae e na riki nako iu iai.
22Ao e taku Tawita, “Ao nako mai!”
Ma ngaia are, a ira Tawita Itai ma ana m'aane ni kabane ma aia utu.
Kaokakin Te Atiniberita Iroun Tawita Nako Ierutarem23Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.
24Ao a iri naba te ibonga are Tatoka ao Abiata n reitaki ma m'aane tabeman ma n te baronga are Rewi ake a uouota te Atiniberita. A katuka te Atiniberita, ao a katikua ikekei ni karokoa otinakoia ni kabaneia Tawita ma taan iria man te kaawa arei.
25Ao e taku Tawita:
Tatoka, kaoka te Atiniberita nako Ierutarem. Ngkana arona b'a e kukurei te UEA irou, ao e na manga kaokai b'a N na manga konaa n nooria riki ma Ana autinrianna.
26Ma ngkana arona b'a E taku b'a E a aki kukurei irou, ao ke E karaoa ane E taku b'a te kabanea n tamaroa.
27Tatoka, bon te tia moti ngkoe ae ko tamaroa i aon b'aai nako, ma ngaia are, ko na oki nakon te kaawa ao ko na aki karekea te kangaanga. Kaira natim te m'aane are Aimaati ma ngkoe. E na oki naba Abiata ma natina te m'aane are Ionatan.
28N na kakantaningaiko n te karaanga are i akuun te rereua ni karokoa I ongora mairoum.
29Ao e anaa te Atiniberita Tatoka ma Abiata ni kaokia nako Ierutarem ao a tiku ikekei.
30Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.
31Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!”
E taku Tawita, “Taiaoka te UEA tai kam'akura ana babaire Aitobera!”
E kaokarikaaki Tutiai Tawita b'a te tib'aai32Ao ngke e roko Tawita i taubukin te maunga are Oriweta, ao e kaaitibo ma Tutiai are kaain Areka n te tabo n taromauri, E raeuaaki niiniiran Tutiai, ao e toka te baareka i aon atuuna.
33Ao e tuangnga Tawita ni kaangai:
Ngkana ko irai, ao ko na kawaeremweira.
34Naako okira te kaawa ao tuanga Abetarom ni kaangai, “Te Uea ae ko karineaki, am tia m'akuri Ngai. N na m'akuri i bukim ngkai, n arou ngkoa naba ngke I m'akuri naba iroun tamam.”
Ngkana ko kona ni karaoa anne, ao ko na kona naba ni kamangaoa ana iango nako Aitobera.
35A na mena ikekei Tatoka ma Aitobera ake taian ibonga, ao ko konaa n tuangiia b'aai ni kabane ake ko ongo man te bareti.
36Ao i mwiina, a na konaa ni kanakoa natiia te m'aane are Aimaati ao Ionatan n tuangai te b'ai are ko a tia n ongo.
37Ao e okirikaaki ana tia i buobuoki Tawita are Tutiai nako Ierutarem, n te tai naba are e roko iai Abetarom.
Who We AreWhat We EelieveWhat We Do
2025 by iamachristian.org,Inc All rights reserved.
