Otea 6 - Kiribati New Version Bible

E taetae Aia UEA

Aomata

1Ti a okira te UEA.

E a tia n raeraeira ni kauarerekeira,

ma E na kabaei ikoakira

ao E na manga kamarurungiira.

2Ai ti uabong ke tenibong riki

ao e a kamaiura

ma ni kaoki korakorara

b'a ti aonga ni manga maiu ma Ngaia.

3Ti na karaoa ara kabanea n tamaroa

n ukoukora ataakin te UEA.

E a bon roko

kaanga taai n te ingabong;

E na manga kamaiu nanora kaanga te karau

ngkana e kabooua te aonnaba

i nanon tain tokin te kam'aitoro.

E Taetae Te UEA

Nakoia Kaain Iteraera Ma Iuta

4Kaain Iteraera ma Iuta,

tera ae I konaa ni karaoia i bukimi?

E a tia ni mauna nako tangirau iroumi

e waekoa riki ni m'arua nakon te mabubu

ke te aoi n otin taai.

5Ao bon anne bukina ngkai I tiringkami n te tai ae ti teuana

n taian taeka

rinanoia burabeti.

Ao anne naba bukina ngkai e ura au motikitaeka

kaanga taai n te ingabong.

6I tangiria b'a kam na kakaonimaki

ma n ataai

nakon ae kam na anga taian karea.

7Kam kam'aneai

ngke kam urua ara boraraoi,

n te tabo are e aranaki b'a Atam.

8A bane aomata i Kireata ni buakaka;

a uraura baimi

n raraaia konami.

9Ti te bo ngkami aika ibonga ma te kaeng

ni kimoa aika a na bakairaa.

I aon te kawai nako Tekem

kam tiritiri ao kam karaoi

riki buure tabeua aika a kakamaaku.

10I a tia n noori b'aai aika a kakamaaku

i nanon Iteraera

kam aki kakaonimaki

ao kam aki tau i bukin taromauriau.

11Kaain Iuta,

E a roko naba ami tai.

E Tangiria Te UEA

Ni Buoka Iteraera

Boni Ngai ae te UEA ae I tangira

Au botannaomata b'a e na manga mari.