2.Rongorongo 22 - Kiribati New Version Bible

Uean Iuta are Aatia(2 Uea 8.25-29; 9.21-28)

1Mai m'aaina, ao a tia ni m'ananga ni buakana Iuta kaain Arabia tekorakina, ao a tiringiia natin Ioram m'aane ni kabane, ao ti nikiraia Aatia are te bina. Ma ngaia are, a kauea kaain Ierutarem b'a aia uea.

2Uabwi ma uoua ana ririki ni maiu n te tai anne, ao e tautaeka ti teuana ana ririki i Ierutarem.

Tinan Aatia bon Nei Ataria, are tibun uean Iteraera are Omri,

3ao e kaungaa natina te m'aane b'a e na bure nakon te UEA ni katotongi aia m'akuri aika a bubuaka te uea are Aaba ma ana kariki.

4Bon i mwiin maten tamana, ao e bure Aatia nakon te UEA ngke e a manga rineia ana koraki Aaba tabeman b'a ana riki b'a ana taan iango.

Bon aia taan iango ake a karekea te b'aka aei.

5E ongo irouia ao e nako ma uean Iteraera are Ioram ni buakana te uea are Ataera ao ana taanga ni buaka Turia i Ramota Kireata. E ikoaki Ieoram i nanon tain te buaka,

6ao e nako nakon te kaawa are Ietireera ni kamarurungnga iai. Rimwi riki, ao e a manga nako Aatia ni kawaria ikekei.

7Bon i nanon te kaaitibo anne are E a tiringa iai Aatia te Atua.

Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

8ao ngke e karaoa anne Ieu, ao e a manga nooriia tabeman taani kairiiri mai Iuta ao ai natin Aatia te m'aane ake a roko ma Aatia. E bon tiringiia naba Ieu n te tabo arei,

9ao e a tua b'a e na kakaaeaki Aatia. Temanna ana aobitia Ieu are e kunea Aatia ni karaba i Tamaria. A uota Aatia nakon Ieu, are e a tiringnga naba n te tai ae e waekoa. A tauna rab'atan Aatia ti i bukin are a karinea tibuna te unim'aane are Ieotiab'ata, are e a tia ni kabanea korakorana n ongotaeka iroun te UEA.

Bon akea temanna man ana utu Aatia are e tiku are e na konaa ni manga uea i Iuta.

Uean Iuta are Nei Ataria(2 Uea 11.1-3)

10Ao ngke e ongo Nei Ataria, ao e iangoia b'a e na tiringiia koraki nako ake a na konaa ni manga riki b'a uea. E na bon karaoa te aro aei ma

11e anaa Ioati are natin Aatia te m'aane Nei Ieotiab'ata are e nang tiringaki naba n aroia ake te korakina. Nei Ieotiab'ata are natin Ioram te aine ao ai m'anen Aatia, e mareaki ma Ieoiata are te ibonga. Ma ngaia are, e konaa iai ni karaba ai natina te m'aane are Ioati ma ana toro temanna i nanon te ru ni matu n te Tembora ike e raba raoi iai mairoun Nei Ataria.

12E karabaaki i nanon te Tembora Ioati i nanon onoua te ririki ngke e tautaeka Nei Ataria i aon Iuta.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help