1Ai tib'a itiua ana ririki ni maiu Ioati ngke e uea i aon Iuta, ao e tautaeka i nanon abwi te ririki mai Ierutarem. Bon kaain te kaawa are Beerateb'a tinana are Nei Tibia.
2Ngke e bon maiu te ibonga are Ieoiata, ao e ongotaeka Ioati iroun te UEA ni karaoi baika a raoiroi.
3E bon rineia naba uoman aine Ieoiata b'a buun Ioati b'a e aonga ni katei utu.
4I mwiin tabeua te tai, ao e a iangoia Ioati b'a e nang onob'aia te Tembora.
5E weteia ibonga ma kanoan Rewi ni kabane ao e taku, “Kam nako n taabo nako i aon Iuta ao rikoi taian ronrab'ata irouia aomata. I tangiria b'a e na katiaaki aei n te tai naba aei-Ti tangira te m'ane b'a ti na karaoa iai te onob'ai n te Tembora.”
Ma a aki kawaetataia kanoan Rewi ni karaoa are e tuangiia te uea.
6Ma ngaia are, e a manga kawaekoa Ieoiata are te ibonga are e rietaata ao e titirakinna ni kaangai, “E aera ngkai ko aki kanakoia kanoan Rewi b'a a na rikoi taian ronrab'ata? E kariaia ngkoa ana toro te UEA are Moote ao aomata b'a e na rikoaki taian ronrab'ata ma ni kamanenaaki i bukin kateimatoan te Um'antabunrianna.
7Ao ngkai ti tangiria i bukin onob'aian te Tembora b'a a tia n rin ma n urua m'aane ake natin te aine are e buakaka are Nei Ataria. A bon anai naba b'aai tabeua ake a tabu i bukin taromaurian te anti are Baara.”
8Ao e tua Ioati b'a e na karaoa te b'aoki te kai ao e katikua i tinaniku, i rarikin mataroan oon te Tembora.
9Ao i mwiina, e kanakoa ana reta ni kabuta aon Iuta ma Ierutarem, ni buubutiia aomata ni kabane b'a a na uoti aia ronrab'ata nakon te Tembora, n aron are e tangiria naba ngkoa Moote b'a a na karaoia aia bakatibu.
10Ao a kariaia aomata ma aia taani kairiiri, ao a uoti aia m'ane nako Ierutarem ao a kaaki i nanon te b'aoki.
11Ao a katoa bong ana taani koroboki te uea ma aia taan buobuoki ibonga ake a rietaata ni kaotinakoa te m'ane ma ni warekia, ngkana a tia ni karina te b'aoki kanoan Rewi i nanon te Tembora. Ao i mwiina, e a manga kaotinakoaki te b'aoki.
E kakaraoaki aei man te bong teuana nakon te bong teuana, ao i mwiin te tai ae e aki maan, ao e a reke te m'ane ae moan te m'aiti.
12Ao e raira te b'aoki arei Ioati ao Ieoiata nakoia m'aane ake taan kaira waakin te onob'ai n te Tembora. A kabonganaa te m'ane ni kabooia iai taani koro atiibu, kaabenta, ao koraki ake a rangi ni b'aati ni m'akuri ma te biti ao te buraati.
13Ao a waakina aia m'akuri taani m'akuri aikai n onob'aia te Tembora, ao ngke e a bane aia m'akuri, ao e a manga taraa n rangi ni boou.
14A aki kabanea te m'ane n onob'aian te Tembora, ma ngaia are, e a manga anganaki Ioati ma Ieoiata nikiran te m'ane, ake a manga kamanenaa ni karaoi iai taian raurau taano ao b'ain te Tembora aika koora ma tirewa.
Ao e karaoaki te angakarea are kakukureian te UEA ni katoa tai i nanon te Tembora ni kabane ana tai ni maiu Ieoiata.
15E mate ngke e a bon rangi ni kara n ana ririki maiu ae tebubua tenibwi,
16ao e taunaki n ruanimateia uea i Ierutarem, i bukina ngke a rangi m'aiti baika e karaoi nakoia Iteraera, nakon te Atua, ao nakon te Tembora.
Tannakon Ioati Mairoun te UEA17I mwiin maten Ieoiata are te ibonga are rietaata, ao a m'ananga taani kairiiri mai Iuta nakon Ioati mani kairiia nakon karaoan are a tangiria.
18Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,
19ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.
20E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”
21E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.
22Ao ngke e nang mate Tekaria ao e taku, “Bon au tataro b'a E noori baikai te UEA ao E na bon katuaaingkami ni kabane.”
Tiringakin Ioati23Ni bongin te aumeaang n te ririki are i mwiina, ao a buakana Iuta ma Ierutarem ana taanga ni buaka Turia, ao a tiringiia ni kabane aia taani kairiiri botannaomata. A rikoi b'aai ni kabane aika a bongana ake aia b'ai aomata ao a uoti rikaaki nakon aia uea i Tamateko.
24E rangi ni uarereke ana taanga ni buaka Aturia, ma e karaoia te UEA b'a e na konaaki ana taanga ni buaka Iuta ae moan te korakora irouia, i bukina ngke E katuaaea Ioati ao kaain Iuta ngke a tannako mai rouna.
25E rangi ni ikoaki kaakaiaki Ioati i nanon tain te buaka, ao n te tai are a kiitana iai Iuta kaain Aturia uoman mai buakoia ana aobitia aika Tabata ao Ieotabata, a iangoia b'a a na kabooa kain maten Tekaria.
26A kam'anea Ioati n tiringnga ngke e matu, ngke e tabe ni kakamarurungnga man ikoakina. E taunaki Ioati i Ierutarem, ma tiaki n ruanimateia uea.
27A m'aiti riki taekaia natin Ioati m'aane i nanon Rongorongoia Uea, ana taeka te burabeti i bukina, ao aron onob'aian te Tembora i rouna. E a manga uea Amatia are natin Ioati te m'aane i mwiin maten tamana.
Who We AreWhat We EelieveWhat We Do
2025 by iamachristian.org,Inc All rights reserved.
