Iobi 3 - Kiribati New Version Bible

Marakin nanon Iobi i bukin bungiakina.

1Ao n tokina, e a taetae Iobi ni karereantia

te bong are bungiaki iai

2ao e taku,

3Te Atua O, Ko na karereantia te bong are I bungiaki iai;

kamaraiaa te bong are e moan

taoman iai tinau.

4Karika te bong anne b'a te ianroo, te Atua.

Tai manga uringa te bong anne,

tai manga kaota te oota iai.

5Karikia b'a te bong ae rangi n rotongitong,

ae uananginang, ae nubono matan taai iai.

6Kanakoa mai buakoia tairikin te ririki,

ao tai manga oki ni warekia.

7Karikia b'a te bong ae kanoabo ae akea te kakukurei i nanona.

8Tuangiia taan tabunea b'a a na karereantia te bong anne,

koraki ake a ataa aron tauani mwiin te Rib'aietan

9Katoka ootan te itoi ni ngaina; karika te tairiki anne

b'a te tairiki ae akea kaantaningaan te karangaina iai.

10Karereantia te tairiki anne i bukina ngke e karika bungiakiu

b'a N na noori taiani kanganga ma karawawata.

Bukin tera ngke I aki mate ngke i moan bungiaki?

11I bia kaman mate ngke I a tib'a bungiaki.

12Bukin tera ngke e b'ab'akoai tinau?

Bukin tera ngke e kammammaai tinau?

13Ngke tao arona b'a I a kaman mate,

ao N na bon rau raoi n te tai aei,

14ni matu n ai aroia taian uea ma taan tautaeka

ake a manga karaoi bareti ni kawai

15Ao i mwiina, N na matu n ai aroia taian nati ni uea aine

ake a manga kaoni aia bareti n taiani koora ma tirewa.

16E aera ngke I aki kaman mate ni bungiakiu,

ao n taunaki, n aki manga noora

otan te ngaina.

17N aia aonnaba maate,

aika buakaka mani kainano a motirawa

n akea aia tabeaianga.

18A bane ni mena aomata ikekei

19aika taenikai ma tooro,

ao a kainaomataaki n tokina.

Tera bukina b'a e kariaia te Atua b'a n na maiu?

20Bukin tera ngkai n na maiuakina te maiu

ae kangaanga

mani kammaraki?

21I tataninga te mate

ao n tangira riki te rua ni mate

nakon te kaub'ai.

22Bon akea te b'ai ae na kona ni kakukureiai

i rarikin te mena n te ruanimate;

23Bukin tera b'a n na teimatoa ni maiu,

ngkai E bon otab'aniniai te Atua?

ma I aki kona noora te kawai?

24Kanau ma nimau,

bon te tanginiwenei ma te ngirangira,

25ao maaku aika nang buakaka

a bane ni koro bukiia.

26Bon akea te rau ma te motirawa i rou

bon tii te rawawata ma te raraoma.