Tito Taekan te Reta Aei - Kiribati New Version Bible

Taekan te Reta AeiTito bon tiaki te I-Iutaia ngaia, ma e a tia n riki b'a te Kristian ao raona B'auro n ana m'akuri ni mitinare. E a koreaki te reta aei nakon Tito, ngke e mena i Kirete, b'a e na bairea aroni m'akurin te ekaretia ikekei.Iai b'aai aika tenua aika kakannato n te reta aei: te moa ni b'ai, e a kauringaki Tito n aroni maiuia taani kairiri aika riai, ngkai a mena i buakoia kaaini Kirete aika m'aiti aika bubuaka aroia. Te kauoua ni b'ai, e a tuangaki te aro are e na reireiniia iai unimm'aane ma unaine ao rorobuaka n ataei, ma tooro. Ao te katenua ni b'ai, e a kauringaki Tito n aron te maiu ni Kristian, b'a e riai n rau ni maiuna, ao e riai ni b'aina te iraorao; ao e na taraia b'a a na akea te riribai ma te kauntaeka ma te aro n i raraaure ae na noraki irouia kaain te ekaretia.Oi n iango i aon te boki aeiTaeka ni Kamauri ao te Tataro i bukin Tito 1.1-4

Taekaia Taani Kairiri n te Ekaretia 1.5-16

Aia M'akuri Botaki aika Kakaokoro n te Ekaretia 2.1—3.11

Taeka ni Buobuoki ao Kabanea n Taeka ni Kamauri 3.12-15