1E taku te UEA:
2Etekiera ae natin te aomata, ko na kabuakaka Ierutarem are a taromauri iai aomata. Kauringiia aomata ni kabane i Ierutarem
3b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.
4A na mate aomata mai maiaki ni karokoa meaang,
5ao a na ataia b'a N na bon aki kanakoa Au kabaang.
6Etekiera, ko na ngirangira n nanokawaki ao ni korakai n te aro are a na ongo aomata tangitangim.
7Ngkana a titirakiniko b'a bukin tera ngkai ko ngirangira, ao tuangiia b'a iai te rongorongo ae e na tong iai ma n ruru ni maaku iai ao a na bua ninikoriami. A na riki baikai n te tai ae e aki maan. Boni Ngai ae te UEA ae I karaoa te berita aei!
E A Tauraoi Te Kabaang Ni Buakana Iteraera8E taku te UEA:
9Etekiera ae natin te aomata, ko na tuangiia kaain Ierutarem:
Iai Au kabaang ae e kakang ae raneanea.
10E kakang n tiritiri,
e raneanea n oota kaanga te iti.
Akea te bootaki ni kukurei ae e na karaoaki,
i bukina ngkai a tia Au aomata n aki tabe ma Au kauring ma Au katuua.
11E a tia ni karaneaneaaki Au kabaang;
e kakang ao e tauraoi n tiritiri.
12Ngirangira n nanokawaki Etekiera;
e kab'akaaki te kabaang i aoia
Au aomata ma aia taani kairiiri.
A na mate!
Ma ngaia ae ko na kab'araa nanom man am kaantaninga ni kabane.
13I kataia Au aomata,
ao akea te b'ai ae a karaoia
ni katokai.
Bon aei Au taeka Ngai ae te UEA.
14Etekiera, ko na kauringiia aomata,
ao i mwiina, ko na kaota kukureim n Au tokanikai
n ubouboi baim.
E na okioki ni buaka
Au kabaang ae e mamanibuaka
n tiringiia Au aomata
ni kabane oron te kabaang.
15Ane a na mauna ninikoriaia
ao a na b'aka ni maaku.
E tataninga Au kabaang
iai mataroa ni kabane,
n raneanea ma n tauraoi nakon tiritiri.
16E na korokoro nakon te atai ao te maing,
n taabo nako ike e roko iai wiin te kabaang.
17Ao i mwiin anne, e a tib'a toki uniu,
ao N na uboi baiu
n tokanikai.
Bon aei Au taeka Ngai ae te UEA.
Ana Kabaang Uean B'aburon18E taku te UEA:
19Etekiera ae natin te aomata, kanikinaai uoua kawai i bukin uean B'aburon are e na irii ngkana e roko ma ana kabaang. E na ti teuana te tabo ike a moanaki mai iai kawai akanne, ma ko na aki m'aninga ni katei taian kaetieti ike a raure nako iai kawai akanne nakon taabo aika a kakaokoro.
20Kaota raoi te tabo ike a nako iai kawai akanne. Teaina e nako Raba ao teaina e nako Ammon, ao teaina e nako Ierutarem, ana kaawa n tua Iuta are e nonoaki.
21Ngkana e tei uean B'aburon n te kaetieti, ao e na rineia b'a e nga ae e na nako iai ngkana e ioioa te kainikoto, titirakiniia antina, ao ngkana e karaua n taraa marakin nuukan te man are e kareanaki.
22E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.
23A tia ni berita aomata ni kabane i Ierutarem b'a a na kakaonimaki nakon uean B'aburon, ma ngaia are, bon akea ae kaantaningaia b'a e na riki aei. Ma e na kauringiia uean B'aburon aron maiuia aika a rangi ni bure ma ni kauringiia rokoia b'a taenikai ngaiia.
24Etekiera, ko na tuangiia kaain Ierutarem ma aia taani kairiiri te b'ai ae I taekinna Ngai ae te UEA ae te Atua ae e kaangai:
A bane ni buakaka b'aai ni kabane akana kam karaoi ao a bon kaotaki iai buakakami. Kam bure iai ao kam na uotaki nako b'a taenikai.
25E a roko ngkai bongin kabanean katuaaeakimi ikai.
26Boni Ngai ae te UEA ae te Atua ae I tuangkami b'a kam na kanakoi m'aita ni uea ma ami baunuea, b'a a na bane ni bitaki b'aai ni kabane. A na manga mwiokoaki koraki ake akea m'aakaia ngkoa, ao ake a tautaeka ngkai a na manga riki n akea aroia.
27N na katuka Ierutarem b'a e na urubekebeke ngkana e roko teuare e rineaki b'a e na katuaaea te kaawa aei.
Te Motikitaeka I bukin Ammon28E taku te UEA ae te Atua:
Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai:
E a b'aka te kabaang,
e tauraoi n tiritiri;
e karaneaneaaki ao e katauraoaki
nakon te tiritiri ae e biri m'aaka n aron te iti.
29Ngkami aika kaain Ammon aika kam buakaka kam noori taian kaotioti ao kam kakoauai rongorongo aika aki koaua. Ma e a kaan bongin katuaaeakimi, ao e na tiringngkami Au kabaang!
30A toki ami bong ni katuaaeaki, ma ngaia ae kam na kaaki ami kabaang. Kam na katuaaeaki n te aba are kam bungiaki iai.
31E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.
32Kam na bue ao kam na mate n oin abami. Ao e na m'aninga te aba taekami n aki toki. Bon aei Au taeka Ngai ae te UEA.
Who We AreWhat We EelieveWhat We Do
2025 by iamachristian.org,Inc All rights reserved.
