1Aio te rongorongo i bukin te M'arua are Kaotioti.
E aera ngkai kam karaoa te bootaki ni kukurei
i aon taubukin ami auti
aika a booraoi?
2E onrake ami kaawa
n taiani karongoaa n tatakarua.
A na aki mate n te buaka
koraki ake a wene ni manging
i nanon kawain nako nuukan te kaawa.
3A biri nako ami taani kairiiri,
ma a na tauaki
e ngae ngkana e a toki te buaka.
E aoria ngkana tao ai raroara ae a tia ni biri nako iai,
a na bon kuneaki naba ma n tauaki.
4Ao i mwiina, I a taku, “katukai n arou!
Kariaia b'a N na tang ni katinakoi rannimatau aika a maai.
A tia ni tiringaki au aomata,
ma ngaia ae kam na aki karaua nanou.”
5E a tia te UEA ae Moan M'aaka
n rinea te tai
are e na kaonaki iai
te M'arua are Kaotioti n
taian takaarua ao taiani kamangaongao,
ao te tai naba ni butiia
taiani maunga b'a a na buokiia.
6A na buaka kaain Eram ao Kiri
ma taian kaanibuaka
ao a na uoti naba taian otanga.
7A onrake n taiani kaanibuaka
ami m'arua ake a rangi n tamaroa;
A katobibiaki ami kaawa aika a buubura
irouia te taanga ni buaka aika a toka i aoia aoti.
8E na tiku Iuta n akea taan totokoa aona.
N te tai arei kam onimakin ami b'ai ni buaka ake kam kaawakin n te Baereti are i Buakonikai.
9Kam noori taiani kiri b'angab'anga n oon Ierutarem are mai tinaniku, ao kam karokoa te ran man nnen te ran are inano.
10Kam wareki taian auti i Ierutarem ao kam urui ni kab'akai tabeua mai buakoia, b'a e aonga n reke ami atiibu i bukin bonobonotan taiani b'angab'anga n oon te kaawa.
11Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.
Te Tai Ni Katu Ranin Mata12Ngke a koro bukin b'aai aikai ni kabane,
ao e tuangingkami te UEA ae Moan te M'aaka
b'a kam na katu ranin matami ma n tang,
ma ni koro marai atuumi,
ao n kunnikain kunnikai aika a mangaingai.
13Ma kam aki b'a kam karaoi ami
bootaki n am'arake ma ni kang iriko ni kao ao iriko n tiibu
ao kam mooi wain,
i bukina ngke kam kaangai,
“Ti a am'arake ma ni mooi!
b'a ae ti na mate nakon te ingabong.”
14E a tia n taetae nako iu
te UEA ae Moan te M'aaka
n taekina te berita aei:
“N na bon aki kab'arai aia bure i bukin aei, ngkai a maiu.”
Rokon Te Kaangaanga Irouia Mataniwi15E kanakoko te UEA ae Moan te M'aaka ma te rongorongo aei nakon Tebena, are te buraim minitita.
16Tebena, antai ae e anganiko te kariaiakaki b'a ko na karaoa am ruani mate ni b'aan rarikin te tabuki ae a na tabo te uea? Bon akea temanna am utu ae e taunaki ikai.
17Tao ko bon korakora, ma e nang buritiko rake te UEA ma ni karenakoko.
18E na niiniiriko ni kamronroniko kaanga te booro ao e na karenakoko nakon te aonnaba ae tangaina nako, ike ko na mate iai ao a na mauna nako am kaa ni buaka nako. Ko aki kakukureia aika ko m'akuri i bukiia.
19E nang anaa am m'akuri te UEA mairoum!
20E na manga anga niiniirana ni uea ao m'aakana nakon ana toro are Eriakim are natin Irekia te m'aane.
21E na riki Eriakim b'a kaanga te tama nakoia aomatan Ierutarem ao nakoia utu ni uea i Iuta.
22E na anga te UEA te onimakinaki te king are ana b'ai ana utu te Uea are Tawita. E na bon akea ae e na manga konaa ni kauka te b'ai ae e a tia n rokanna, ao bon akea naba ae e na konaa ni manga kaina te b'ai ae e a tia ni kaukia.
23E na kamatoa te UEA nakon nakoana n ai aron matoan neeran te autinrianna ae e unikaki n te tano, ao Eriakim are e na uota neboakin ana utu.
24A na boutokaaki ana koraki n ataei ao ana utu i rouna, kaanga taian baan aika a tinetine i aon b'ai ni katinetine i aon te oo.
25E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.
Who We AreWhat We EelieveWhat We Do
2025 by iamachristian.org,Inc All rights reserved.
