Taian Areru 38 - Kiribati New Version Bible

(Ana Areru Tawita i bukin te angakarea n ururing)Ana Tataro te Aomata ae Kananoanga

1Te UEA, ngkana Ko un, ao tai boaai Ke ni kaeta arou n te aro ae N na karawaawataaki iai.

2Ko kaikoakai ni kanoan am Kainikatebe,

ao Ko oreai ni baim.

3I korakai ni maraki i bukin unim;

E aoraki rab'atau i bukin au bure.

4A rangi ni bati au bure, Ai aron te ieka ae I a b'ab'a iai;

a rangi n rawaawata n te uotaki.

5A kakaiaki ikoakiu ao a m'aung,

i bukin nanobabau.

6I b'aoua ni maraki ao a aki kona n tei waeu;

I tang ni kabongnga.

7E korakora kabuebuen rab'atau,

ao e kaan ae N na mate.

8I nimamate ao a aki kona n tei waeu;

I ngirangira i bukini kiriween nanou.

9Te Uea, Ko atai baika I tangiri ni kabane;

E aki raba rawawatan nanou mairoum.

10E tata buki bukini manawau; akea korakorau;

A aikoa itiaki taraani kanoani matau n ai aron taraaia rimoa.

11A kararoaai raoraou ma ake a maeka ni kaan ma ngai

i bukin aorakiu;

ao a kararoaai naba au utu mairou.

12A kawene b'aai ni kam'am'ane aomata ake a kani kamateai b'a a na kam'aneai iai;

Ao a iaiangoa aroni kam'aruaau ni kabongnga

aomata akana kani kaikoakai.

13Ai aron te aomata ae te bonotaninga ngai, ae aongkoa I aki kona n ongo;

ao ai aron naba te aomata ae e bae newena ngai, ae aongkoa I aki kona n taetae.

14Eng, ai aron te aomata ngai ae aki

kona ni kaeka b'a akea te bae I ongo.

15Ma I kaantaningaiko, te UEA;

Boni Ngkoe, te UEA ae Atuau, ae Ko na kaekaai.

16Tai kariaia taan ribaai b'a a na ngareakinai;

ke a na kamoamoa ngkana iai te kabuanib'ai ae riki nako iu.

17B'a I a kani b'aka,

i bukin te maraki ae titiku irou.

18I kaoti au bure;

I raraoma iai.

19A marurung ma ni korakora taan ribaai;

A bati akana akea bukin ribaakiu i rouia.

20A riki b'a aiau akana kaboa te raoiroi n te buakaka,

I bukin au kekeiaki ni kani karaoa ae eti.

21Te UEA, tai kitanai;

tai kararoaai Atuau!

22Bareiko ni buokai, Ngkoe te Uea ae I maiu iroum!