1.Rongorongo 2 - Kiribati New Version Bible

Ana Kariki Iuta

1Iakob'a bon tamaia naati m'aane ake tengaun ma uoman ake Reuben, Timeon, Rewi, Iuta, Itakara, Teburun,

2Taan, Ioteb'a, Beniamin, Nabetari, Kata, ao Atera.

3Iai natin Iuta ma buuna are ainen Kanaan are Nei Batatua aika teniman m'aane aika: Era, Onan, ao Tiera. Ma E kamatea Era are te karimoa te UEA, i bukina ngke e aki ongotaeka iroun te UEA b'a e karaoi m'akuri ake E ribai karaoaia te UEA.

4Ao iai natin Iuta ma buun natina are Nei Tama aika uoman aika Bereti, ao Tera.

5Bereti bon tamaia Etiron ao Amura.

6Tera bon tamaia Timri, Etan, Eman, Karekora, ao Tara.

7E karika te kaangaanga nakon Iteraera Akan are ana kariki Tera are natin Karemi te m'aane ngke e taui b'a ana b'ai b'aai ake bon Ana b'ai te UEA.

8Natin Etan te m'aane bon Ataria.

Ana Bakatibu Te Uea Are Tawita

9Etiron bon tamaia Ierameera, Ram, ao Kareb'a.

10Ram bon taman Amminataba ao tibun Nation are te tia kairiiri man te baronga are Iuta.

11Ana kariki Nation bon Tarema, Boati,

12Obeta, ao Iete.

13Iai natin Iete aika itiman m'aane ake a bungiaki n aron aei: Eriaba, Abinataba, Timea,

14Netanera, Ratai,

15Otem, ao Tawita.

16Bon iai naba natin Iete uoman aine aika: Nei Teruia, ao Nei Abikaira. Teruia bon tinan Abitiai, Ioaba ao Ataera.

17Nei Abikaira bon buun Ietera, are a na kariki Itimaera, ao natiia te m'aane bon Amata.

Ana Kariki Etiron

18E mare natin Etiron te m'aane are Kareb'a ma Nei Atuba, ao natiia te aine bon Nei Ieriota, are tinaia Ietera, Tiobaba, ao Areton.

19I mwiin maten Nei Atuba, ao e a manga mare Kareb'a ma Nei Eberata. Natiia te m'aane are Ura

20boni ngaia taman Uri, ao tibun Betarera te m'aane.

21Ngke ai 60 ana ririki ni maiu Etiron, ao e mare ma natin Makira te aine are e tekateka n te aono are Kireata. Natiia te m'aane are Tekuba,

22bon tamaia Iaira, are e tautaekani 23 kaawa n te aono are Kireata.

23Tabeua te tai i mwiina, ao a taui 60 taiani kaawa n te aono anne bootanaomatan Ketura ao Aram, n reitaki ma kaawa ake a uarereke ake ana b'ai Iaira, ao ai arona naba ma ana kaawa Kenata ao kaawa ake a uarereke ake i rarikina. Bon ana kariki Makira aomata ni kabane ake n aonon nako Kireata.

24I mwiin maten Etiron, ao e mare Kareb'a ma Nei Eberata are buun tamana. Natiia te m'aane bon Atura. N te tai teuana rimwi, e a karaoa tekatekana n te kaawa are Tekoa.

Ana Kariki Ierameera

25Ierameera are ana karimoa te m'aane Etiron boni ngaia tamaia Ram, Buuna, Oren, Oten, ao Aiia.

26Ana kauaei Ierameera bon Nei Atara, are e bungiia Onam.

27Ram bon tamaia Maati, Ianim, ao Ekera.

28Onam bon tamaia Tiammai ao Iata.

Tiammai bon tamaia Nataba, ao Abitura.

29E mare Abitura ma Nei Abiaira, ao uoman natiia m'aane aika Aban ao Morita.

30Nataba bon tamaia Tereta ao Abaim. E aki kariki Tereta;

31ao natin Abaim te m'aane bon Iti, are taman Tetian ao tibun Arai te m'aane.

32Iata bon tamaia Ietera ao Ionatan. Bon akea natin Ietera,

33ma iai natin Ionatan aika uoman aika Bereta, ao Tata.

34Akea natin Tetan te m'aane, ma ngaia are, e kaieina natina te aine temanna ma Iara,

35are ana toro are kaain Aikubita. Aran natiia bon Atai,

36are taman Natan ao tibun Tabata.

37Bon ana kariki naba Tabata koraki ake Eberara, Obeta,

38Ieu, Ataria,

39Ereti, Ereata,

40Titimai, Tarum,

41Iekamia, ao Eritama.

Ana Kariki Kareb'a

42Aikai ana kariki Kareb'a are tarin Ierameera: Metia, Tib'a, Maretia, Eberon,

43ao natin Eberon ake m'aane aika aman ake Kora, Tabua, Rekem, ao Tema.

44Tema bon taman Raam ao tibun Iorekeam te m'aane. Rekem bon taman Tiammai,

45tibun Maon, ao tibutorun Betatura te m'aane.

46Nei Eb'a bon temanna mai buakoia buun Kareb'a, ao natiia m'aane bon Aran, Mota, ao Kateti. E arana natina Aran n aran tarina are Kateti.

47Nei Eb'a bon natin Iatai te aine, are bon tamaia naba Rekem, Iotam, Ketian, Berete, ao Tiaaba.

48Maaka bon buun Kareb'a temanna, ao natiia m'aane bon Tebera, ao Tireana.

49Rimwi riki, a manga riki natiia uoman m'aane aika Tiaaba are tamaia Matemanna, ao Tewa are tamaia Makebena ao Kibea. Natin Kareb'a te aine bon Nei Aketa.

50Aikai naba ana kariki Kareb'a.

Ana karimoa Kareb'a ma Nei Eberata bon Ura

51are teniman natina m'aane aika: Tiobara, Tarema, ao Areb'a, are e tekateka n te kaawa are Betakatera.

52Tiabora are e tekateka n te kaawa are Kireata iearim are bon aia bakatibu Aroe, ao iteran te kaainga are Menuoti,

53ao taiani kaainga ake a maeka i rarikin Kireata iearim; ake kaain Ietera, kaain Buta, kaain Tumati, ao kaain Mitiri.

54E tekateka Tarema n te kaawa are Betereem ao boni ngaia aia bakatibu kaain Netobata, kaain Aterobeta Ioaba, ao iteran te kaainga are Manate, ao kaain Tora.

55Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.