1E a roko buakanakim Ninewe!
E a roko te m'aaka are e a uruko ni kamaerikirikiko.
Katauraoi nakon totokoaia ami kairiribai!
Tararua te kawai!
Tauraoi nakon te buaka!
2(E nang kaoka mimitongin Iteraera te UEA, n ai arona ngkoa i m'aain kurib'aiana irouia ana kairiribai.)
3Tautia aika kairiribai a uouoti otangaia aika a uraura,
ma aia kaboraoi aika a uraura.
A tauraoi nakon te buaka!
a ura aia kanibuaka n ai aron te ai!
A ewewe aia aoti ni kakatauraoi.
4A biriaitua aia kaa ni buaka,
i nanon kawain nuukan te kaawa.
A ura kaanga tooti.
A kia n ai aron te iti.
5A weteaki mataniwi;
a tatatata ngke a waerake.
A biri aiaia nakon oon te kaawa,
ao a katea otangan b'ain uruan te oo.
6A uki mataroa ake i rarikin te karaanga,
e a on te bareti ni b'aai aika a kakamaaku.
7E a uotaki nako te ueanaine b'a te taenikai;
A tanginiwenei ana aomata n ai aroia taian taobe.
Ao a ororoi b'anib'aniia i bukin rawawataia.
8Ai aron te b'aronran man te nnenran ae e uruaki,
birinakoia aomata mai Ninewe!
E takaruaeakinaki ae e kaangai, “Tei! Tei!”
ma akea ae e rairaki n oki.
9A kuriaki tirewa!
A kuriaki koora!
E onrake te kaawa n te kaub'ai!
10E a uruaki Ninewe, e a rereua ao e a kamaroaa!
A rannako naano;
a ruru bubuaniwae, akea te korakora;
a mainarake moaia aomata.
11E a ngaa ngkai te kaawa are e ab'ab'aki
are kaanga ai aron ooia raian,
are te tabo ike a kakaam'arakeaki iai raian ataei,
ike a nakonako iai te raian m'aane ma te raian aine,
ao a mano raoi iai buniia?
12E tiringa kanana te raian
ao e raebitiia nakoia buuna ma bunna;
e kanoaa b'angana n iriko aika a raebitiaki.
13E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”
Who We AreWhat We EelieveWhat We Do
2025 by iamachristian.org,Inc All rights reserved.
