1E kautai te anera are e kab'arab'ara te mii nako iu b'a kaanga ai aron ae I matu.
2Ao i mwiina, e titirakinai ni kaangai, “Tera ae ko nooria?”
Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.
3Tekaina te aroka te oriwa e mena i angaatain nnen te oera, ao are te kaina i maingina.
4Ma teuae ko karineaki, tera nanon baikai?”
5Ao e titiraki ni kaangai, “Ko bon aki ataia?”
Ao I kaeka ni kaangai, “I aki ataia teuae ko karineaki.”
6Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera.
Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.
7Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”
8E a manga taetae te UEA nako iu ni kaangai:
9Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.
10Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei.
Ao oneani mwiin matau taian taura aika itiua aikai, matan te UEA, a noori b'aai nako n te aonnaba.
11Ao i mwiina, I titirakina te anera ni kaangai, “Ao tenaan ra aroka ake taian oriwa ake ni iteran te kaintaura are teuana? A tei i bukin tera?
12Ao tera nanon taiani m'aanga ake uoua are e raanga mai iai b'aan te oriwa are te koora i nanon te b'aibu are te koora?”
13Ao e titiraki ni kaangai, “Ko aki ataa anne?”
Ao I kaeka ni kaangai, “Teuae ko karineaki, I aki ataia.”
14Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki are e tei i rarikin te UEA n te aonnaba ni kabane.”
Who We AreWhat We EelieveWhat We Do
2025 by iamachristian.org,Inc All rights reserved.
