1Te UEA, Ko na kaeta taekau,
B'a I karaoa ae eti,
ao I onimakiniko ni koaua.
2Te UEA, Ko na nenera nako arou, ao kataai;
b'a tera nanou ma au iango.
3E teitei i matau am Tangira ae teimatoa;
Ao am kakaonimaki e teimatoa ni kairirai.
4I aki raoraoniia akana buakaka;
Ao akea reitakiu ma akana m'am'anaa te aba.
5I aki kani bobotaki ma akana buakaka;
Ao N na aki tekateka i buakoia taani bure.
6Te UEA, I teboki baiu ni kaotia b'a akea au bure,
ao I nakonako n taromauri ni katobibia am Baonikarea,
7Ao I anenea katituaraoam,
are I tataekin iai taekan am M'akuri aika Kamimii.
8Te UEA, I tangira te Tembora
are Ko mamaeka iai,
Are te tabo are e mena iai mimitongim.
9Tai taeai nako n
ai aron taenakoaia taani bure
ao tai katuaeai ma aika mate
n aron are ko karaoia nako ia aomata
aika taan tiritiri,
10Ake a aki toki ni kakaraoa ae buakaka,
ma n tatauraoi ni butim'aai m'aane n anai nano b'a aia b'ai.
11Ma ngai, I karaoa ae eti;
Nanoangaai, ao kamaiuai!
12I maiu ri buakon te kaangaanga;
N na kamoamoa te UEA n te bootaki ae ab'ab'aki.
Who We AreWhat We EelieveWhat We Do
2025 by iamachristian.org,Inc All rights reserved.
