Taian Areru 125 - Kiribati New Version Bible

(Te Anene n Ararake)A Kawakinaki Raoi Ana Aomata Te Atua

1Akana onimakina te UEA

ai aron te maunga are Tion,

are aki kona ni m'aing,

are tei n nene ni matoatoa n aki toki.

2Aroni maunga

ngkai a otab'aninia Ierutarem,

ao ai aron naba te UEA

n otab'aninia ana aomata,

ngkai ao n aki toki.

3E na aki teimatoa aia tautaeka akana buakaka

i aon abaia akana onimakina te Atua;

ke ni kairiia b'a ana karaoi m'akuri aika bubuaka.

4Te UEA, Ko na kakab'aiaia

akana raoiroi,

akana ongeaba nakon am Tua.

5Ma ngkana Ko kareke kaiia

akana buakaka,

ao e na kareke kaiia naba

akana aki ira nanom.

Tataro i bukin reken te rau i aoia Iteraera!