1Ko na nanoangaai, te Atua, Ko na nanoangaai,
B'a boni Ngkoe reken rauni maiu.
Ko kamanoai i aan nuuni baim ni kiba
ni karokoa e toki karen angibuakan te maiu.
2I tataro nakon te Atua are Moan te Rietaata,
are te Atua ae karekei b'aai ni kabane aika e kai nanou iai.
3E na kaekaai mai karawa ao E na kamaiuai.
E na katae aia kai taan ribaai.
E na kaota nako iu arona n ataataiaomata ma n onimakinaki.
4A otab'aniniai taan ribaai
aika ai aroia raian aika kaakang aomata;
Wiia ai aroni kaai ni katebe ma kanoaia,
ao neweia ai aroni kabaang aika kakang rewarewa.
5Te Atua, Ko na kaota kakannatom i eta i karawa,
ao mimitongim i aonnaba ni kabutaa.
6A kataia ni kam'aneai taan ribaai n aia b'ai ni kam'am'ane;
e bua au kaantaninga.
A kena te m'arua i m'aini kawaiu,
ma a manga boni b'aka i nanona.
7Te Atua, e nene ni matoatoa au kaantaninga; e nene ni matoatoa.
N na anene n neboiko!
8Uti teirake tamneiu!
N na kauta au b'ai ni katangitang!
N na kauta taai
9Te Atua, N na katituaraoiko i buakoia aomata,
N na anenea karaoiroam i buakoia botannaomata.
10Ai ab'ab'akira am Atataiaomata, ai aron raroan aontano ma karawa;
ti te arona ma arom ni kakaonimaki.
11Te Atua, Ko na kaota kakannatom i karawa,
ao mimitongim i aonnaba ni kabutaa.
Who We AreWhat We EelieveWhat We Do
2025 by iamachristian.org,Inc All rights reserved.
